Einhver var að spyrja mig hvort ég væri hættur að blogga hérna og satt best að segja var ég næstum því búinn að gleyma þessu blessaða svæði mínu þó svo ég fylgist með öðrum sem hér eru af og til.
Það er ekki hægt að segja neinar fréttir þar sem ekkert gerist.
Hef ekki frá miklu að segja þessa dagana þar sem maður er bara að vinna alla daga og dunda við að koma sér fyrir og skipuleggja sig hérna á nýja heimilinu.
Ég er nánast hættur að fylgjast með fréttum frá landinu en svona af og til þó skoðar maður fréttavefina og bloggin og maður þakkar bara fyrir að vera ekki á íslandi eins og ástandið er orðið. Hef það fínt hérna í Danmörk og er þakklátur fyrir að vera með góða vinnu sem gefur sæmilega af sér.
Upphafsnóturnar úr Battery með Metalica.
Myndirnar segja allt sem segja þar.
Fleiri myndir eru hérna.
Langt síðan maður hefur ropað einhverju frá sér hérna og kanski ekki að ástæðulausu.
Ég byrjaði að vinna fyrir hálffum mánuði sem leigubílstjóri í Hanstholm í Danmörk og hef búið hjá vinafólki mínu í Thisted um 30 km frá vinnustaðnum þennan tíma og kem með að vera hjá þeim í viku í viðbót eða þangað til ég get farið niður til Flensburg og sótt dótið mitt.
Ég er búinn að fá leigt lítið hús í bæ sem heitir Øsløs og er um 30 km austur af Thisted og um 30 km frá vinnunni.
Húsið er um 70 fermetrar og eru þar tvö svefnherbergi, eldhús, bað og stofa og risastór bakgarður og lítill framgarður. Húsið er með olíukyndingu og gaseldavél og þarfnast talsvers viðhalds. Leiguverðið er skikkanlegt eða um 2.800 kall á mánuði sem verður að segjast eins og er að er bara með því lægsta sem hægt er að fá húsnæði á hér á svæðinu. Sem dæmi eru 2. herbergja íbúðir að leigjast á um 3.500 kr í Thisted og Hanstholm svo dæmi séu tekin.
Vinnan er fín en þó koma dagar innanum sem geta verið ógeðslega leiðinlegir og verstir eru túrarnir á föstudögum þegar maður lendir í því að rúnta innanbæjar í Aalborg í því umferðaröngþveiti sem þar er oft. Föstudagsumferðin í Reykjavík er hrein hátíð í samanburði við það helvíti.
Bestir eru langir túrar milli borga og bæja og gefa líka best af sér.
Ég er á tæplega tveggja ára gömlum Wv Passat TDI sem er keyrður 300. þúsund km og fæ reyndar nýjan bíl í desember, en sá verður sjálfskiptur og mun kraftmeiri en sá sem ég er á núna. Það verður hreint út bara frábært.
Annars er ég bara að njóta þess að vera til í dag, þarf að skella mér niður á Mors í smá tölvuviðgerð og það verður ekki leiðinlegt eins og veðrið er núna. heiðskýr himinn og logn. Hitinn gæti skotið sér upp undir 10 gráðurnar yfir miðjan daginn.
Það er því bara góður dagur framundan og allt jákvætt að gerast hérna.
Læt þetta duga að sinni af mér og mínum högum og lofa engu um hvenær ég læt vaða á súðum næst.
Ég er í biðstöðu eins og er. Bíð eftir símtali frá Norður Jótlandi þess efnis hvort ég fæ undanþágu til að keyra leigubíl þarna norðurfrá.
Ég er nokkuð öruggur um vinnuna og búinn að fá vilyrði fyrir húsnæði í byrjun nóvember en vantar bara undanþáguskírteini frá Thisted kommúnunni svo ég geti hafið störf.
Ég var uppfrá um helgina og notaði tækifæri til að láta bæta við húðflúrið á bakinu á mér og það er farinn að koma litur á þetta en það er samt mikið eftir enn.
Myndir má nálgast hérna.
Klukkan er rétt orðin átta á föstudagsmorgni og sólin er að skríða yfir sjóndeildarhringinn. Ég er búinn að hella mér upp á kaffi og sit við stofugluggann hvað ég hef gert nú í tæpan klukkutíma og horfi á borgina vakna.
Átti tal við þjóðverja í gær sem rekur lítið fyrirtæki í inn og útflutningi á dekkjum og hann sagðist lítið verða var þessa fjármálakreppu í heiminum, hún kæmi ekki mikið niður á þeim nema hvað varðaði flökt á gengi Dollars þar sem mikið af þeirra viðskiptum væri í þeim gjaldmiðli.
Hann spurði meðal annars hvernig íslendingar upplifðu þetta og í raun var erfitt að svara því en með því að sýna honum gengisskráninguna hjá þrem stæðstu bönkunum hvar enginn þeirra var með sömu gengisskráningu og útskýra það aðeins þá gat hann aðeins áttað sig á því. Einnig var honum sýnd gengisþróunin síðastliðið ár og þá gjörsamlega blöskraði honum alveg.
En þetta var nú ekki sem ég ætlaði að tala um heldur ætlaði ég að vera meira á heimspekilegu nótunum og var búinn að semja í huganum það sem ég ætlaði að skrifa um.
En þar sem ég er alger teflonheili þá náttúrulega er ég búinn að gleyma því í bili að minnsta kosti.
Jörðin snýst nú samt áfram þrátt fyrir allar efnahagskrísur og það þýðir ekkert að leggjast niður og gefast upp þrátt fyrir gríðarlegt tekjutap það sem af er ári maður verður bara að reyna að bjarga sér.
Ég er á leið norður til Thisted á morgunn hvar verður haldið áfram að vinna í hinni glæsilegu mynd sem er á bakinu á mér en á sunnudaginn er ég vonandi að fara að hitta mann í Hanstholm varðandi vinnu. Ég vona að það gangi upp en verði af því að þessi vinna hlotnist mér, þarf ég einnig að finna húsnæði og flytja í nágrenið.
Ég játa að ég er spenntur fyrir þessu en að sama skapi dálítið kvíðinn því mér leiðist ákaflega að flytja. Kosturinn við þetta er þó, að ég verð í nágreni við tattooartistann minn og því ætti það að flýta fyrir að klára myndina og jafnvel að byrja á nýrri fyrir áramót ef svo ber undir.
Ég nenni ekki lengur að spá í ástandinu á íslandi enda ráðamenn þar búnir að klúðra málunum svo rækilega að annað eins hefur ekki sést fyrr né síðar og ég hef annað með tíma minn og geðheilsu að gera heldur en velta mér upp úr því.
Þegar tekjur manns skerðast um nærri 90% á 9 mánuðum þá segir það allt sem segja þarf og það lifir enginn af því erlendis núna sem manni er skammtað. Lífið heldur áfram hvað sem öllum peningum líður maður þarf bara að haga seglum eftir vindi núna til að komast af með sæmilegum hætti.
Æfintýrið er búið og nú tekur raunveruleikinn við. Timburmennirnir eftir góðærisfylleríið eru staðreynd.
Í dag er liðið nákvæmlega eitt ár frá því ég steig á land í Danmörk eftir flutninga þangað.
Í dag er líka komið í ljós, að tekjur mínar hafa rýrnað um 60% á þeim tíma.
Í dag er líka komið að vendipunkti hjá mér og ég er að bera saman kosti þess hvar ég vil vera í framtíðinni.
Ég hef meira að segja íhugað að flytja aftur til íslands.
Ætla að taka mér pásu frá skrifunum hérna í bili.
Hef hvort eð er ekkert frá neinu að segja.
Geir H. Haarde, Davíð Oddsson og Árni Matt eru ekkert annað en lýðskurmarar og lygar.
Evran að detta í 140 kallinn og þeir halda áfram að tala um krónuna sem traustan gjaldmiðil.
Er ekki einhver til í að hnakkaskjóta þessa helvítis fávita?
Annars er ég lasinn.
45 stiga hiti æla og drulla.
Ákvað að gerast menningarlegur og tók mér reykpásu.
Þetta er kanski öðruvísi pása heldur en gengur og gerist því ég sný þessu alveg við og reyki ekki í reykpásunni minni.
Sem sé, klukkan 20:30 þann 15. Sept á því herrans ári 2008 drap ég í síðustu rettunni og fór í reykpásu um óákveðin tíma.
Fimm ára gömul telpan hniprar sig saman nakin og grátandi í horni herbergisins. Hún er svo hrædd að hún pissar undir. Einn mannanna í herberginu lemur hana margsinnis. Hinir hlæja. Annar maður tekur hana upp og fleygir henni á grúfu á rúmið. Svo nauðga mennirnir henni. Hún deyr af skelfilegum áverkum.
Þannig hefst frásögn Charlotte Metcalf grein sína um þennan viðbjóðslega mann.
Þegar ég las þessa grein fyrir tveim dögum síðan leið mér ömurlega. Mér leið illa yfir því að það skuli vera til menn eins og Roger þessi og það sem verra er, mér finnst það hræðilegt að það skuli vera mögulegt fyrir þessa vesalinga að finna jafn sjúka einstaklinga til að fremja slík viðbjóðsverk eins og lýst er í greininni.
Roger Took var var virtur og frægur breskur sagnfræðingur, rithöfundur, safnstjóri frægra listasafna á við Barbican og stofnandi hinnar gríðarlega vel heppnuðu Artangel listasmiðju.
Hann var elskaður og dáður í breska listaheiminum. Roger Took var líka einhver skelfilegasti barnaníðingur og sadisti sem sögur fara af. Hann er nú 62 ára gamall.
Greinina má lesa í heild sinni með því að smella hérna, en það skal tekið fram að viðkvæmum sálum er bent á að gera það ekki því mannvonskan sem lýst er þarna er viðbjóðsleg.
Er hættur að blogga á mbl blogginu og búinn að eyða öllu heila draslinu þar. Alveg búinn að fá upp í kok af þeim vettvangi.
Held mig hérna og blogga þegar ég hef frá einhverju að segja svo það má búast við fáum og stopulum færslum í framtíðinni.
og bloggaði á moggablogginu við frétt.
Ég vil alfarið kenna um þreytu og syfju þegar þetta átti sér stað en að öðru leyti hef ég enga afsökun fyrir þessum skelfilegu mistökum mínum.
Merkilegt nokk þó, að mér hafa borist nokkrir póstar hvar ég er hvattur til aðhalda áfram að blogga á moggablogginu og eitt símtal hef ég meira að segja fengið líka svo það er greinilegt að einhverjir lesa bloggin mín.
Annars er ekkert að frétta héðan nema maður sér núna að skuggarnir eru klárlega farnir að lengjast svo það styttist í haustið hérna.
Veðrið er samt einstaklega gott núna, still og bjart og þokkalega hlýtt bara.
Góður dagur til að fara út að ganga í dag ef heilsan leyfir.
Nóg að sinni, meira seinna.
Nú er maður búinn að sitja og bora í nefið á sér í viku og ekkert að gera nema bíða eftir afmælisveislu á morgunn og mann farið að hlakka all sæmilega til. Er þá ekki hringt í mann í kvöld og maður beðinn að vera klár klukkan sjö í fyrramálið til að sækja vörubíl upp í Hanstholm sem verður þá náttúrulega til þess að maður mætir sennilega of seint og verður ónýtur klukkan átta um kvöldið.
En skítt með það, maður fær borgað fyrir þetta og það telur.
Ég ætlaði að skrifa langa nöldurgrein um fréttamennsku á íslandi en hætti við það enda gjörsamlega tilgangslaust að fjalla um þetta copy/paste lið sem vinnur á fjölmiðlum landsins.
Ekkert frumkvæði eða sjálfstæð hugsun, bara birta það hrátt sem kemur frá þingmönnum og ráðherrum gagnrýnislaust. Svo væla þessir vesalings, sjálfhverfu grey svo hroðalega ef þeir eru gagnrýndir eða fjallað um þá á neikvæðum nótum og það er ekki þjóðinni bjóðandi að hlusta á grenjurnar í þeim eina ferðina enn svo ekki sé meira sagt.
Hananú?
Ég ætlaði ekki að skrifa þetta.
