Lisander

Ég hef aðallega verið að vinna, vinna, vinna (allt of mikil vinna í þessu), sofa, njóta þeirra stunda sem við Andrea erum saman og svo hefur mér líka hlakkað ofboðslega mikið til... (reyni að fela það eins og ég get en það stoppar varla brosið á mér :p)
Andrea hefur verið að læra og læra, sitja í tímum og síðan prófum, klára verkefnin fyrir önnina að viðbættri sinni eigin vinnu.

Saman höfum við gert ýmislegt, t.d. göngutúra sem hafa endað á óvæntum stöðum (eins og heima hjá Sigríði Ástu, í Húsdýragarðinum o.fl....:-D....) Ég vildi óska að við gerðum meira af því en stundum er annaðhvort okkar of þreytt og stundum erum við bæði alveg uppgefin eftir erfiðan dag.

Þannig að við höfum bæði haft nóg fyrir stafni. :-D

Næst á dagskrá er tólf daga ferð til Spánar. Brottför eldsnemma á laugardagsmorgni. Þann dag bíða okkar þrjár flugvélar og fjórir flugvellir. Það eitt og sér getur gert rólyndasta mann pirraðan og leiðan. Ætli ég endurtaki ekki það sem ég gerði í síðasta flugi um Evrópu og kaupi SuDoKu bók handa mér. Líklegast verður blogghlé á meðan á ferðinni stendur, held nefnilega að enginn taki með sér tölvu en það kemur þá bara í ljós.