Lisander

Ja sveiattan!

Nú er DVD spilarinn dáinn og það er mér að kenna. Ég fékk endanlega upp í kok af frostinu og hægaganginum í honum og hófst handa við að þrífa apparatið og þá sérstaklega linsuna. Nú les hann ekki lengur DVD diskana, ENGA!
Verð væntanlega að koma heim með alvöru spritt til að setja á linsuna. Af hverju er augnhárahreinsir ekki spritt? Þetta er augnmálning í andlitinu á ykkur. Kommon!

Bíllinn stendur úti á plani frá því ég kom heim í gær, drap á bílnum, skrapp inn, fór aftur út og þá fór billinn skyndilega að hökta í hægagangi og drepa fljótlega á sér. Eftir nokkrar tilraunir hætti hann að fara í gang og hann hefur ekki farið í gang síðan fyrir utan eitt skipti í ca. 10 sekúndur á meðan Andrea reyndi í dag.

Heimasíminn er kominn í klessu. Hann dettur sífellt út þegar talað er í hann. Hann dettur ekkert inn aftur nei nei, bara ÚT! „Halló" -„Já góðan daginn ég ætlaði að...." „*afskaplega lágvért suð = dottinn út og ég verð að leggja á.*" ARG!!

Örbylgjuofninn okkar, þessi sem við fengum heim í gærkvöldi, hitaði ekki neitt. Alls ekkert. Hann var keyptur í Elko og heitir Galanz örbylgjuofn (900w) 65753082. Fer í Elko og fékk nýjan ofn í búðinni eftir að hafa skilað hinum. Kem með þann ofn heim, inn í eldhús, geri allt klárt fyrir prufukeyslu og set í gang. Þá koma eldglæringar í ljós inni í ofninum og upp gýs rosalega vont lykt. Sem sagt Galanz örbylgjuofn er STÓRHÆTTULEGUR andskoti. Fékk endurgreitt og þurfum við núna að hefja leit okkar að góðum örbylgjuofni upp á nýtt.

Svo er BJörgvin var órólegur í allan dag. Sefur loks núna, hefur sofið í tvo og hálfan tíma þegar þetta er ritað eftir að hafa vakað í 7 og 1/2 tíma samfleytt. Grey strákurinn var alveg búinn að vera.

Þannig að nú sitjum við allskonar súpum. :-(