Café Loki +++
Alveg síðan að Café Loki á Lokastíg (við Hallgrímskirkju) opnaði í júlí er ég búin að vera á leiðinni þangað.
Í dag átti ég nokkrar mínútur til aflögu og ákvað að skella mér á Loka og fá mér te.
Þegar komið er inn á staðinn eru myndir af Hallgrímskirkju í öllum mögulegum aðstæðum (kvöld, dagur, sól, snjór, flugeldar, norðurljós) á veggjunum upp stigann og þegar upp er komið mætir manni lítill salur, mjög heimilislegur en samt svolítið artý.
Útsýnið er skemmtilegt, Eiríksgatan, Njarðargatan, Hallgrímskirkja í forgrunni og Tækniskólinn til hliðar.
Á gluggunum eru hekluð blóm og á veggjunum hanga myndir af fjöllum. Þau eru reyndar hluti af þeirri sýningu sem er á staðnum núna, en það breytist með reglulegu millibili.
Matseðillinn samanstendur af íslenskum heimilismat og íslensku góðgæti og er það helst stílað inn á ferðamenn.
Kökur og brauð baka þær sjálfar og það eina sem er aðkeypt eru spelt beyglur.
Ég fékk mér reyndar ekki að borða í þetta sinn, en leist vel á matseðilinn.
Eini gallinn við Café Loka er að það er bara opið til kl. 18 á daginn.
Það er svolítið stór galli fyrir manneskju sem fer á kvöldin á kaffihús!
Það er reyndar verið að ræða það að reyna að hafa opið á kvöldin og ráðlegg ég að ef það verður gert, verði þetta nýji samkomu staður okkar!
Engin læti og rugl eins og niðri í bæ, engar fyllibyttur (það er ekki vínveitingaleyfi hér) og engin hávaði :-)
Café Loki fær +++ frá mér :-)
