Nornin

Eins og margir aðrir skipulagsfíklar, eru nokkrir hlutir sem VERÐA að vera á ákveðinn hátt.
Sumt er ég alveg hræðileg með, sumt er sveigjanlegt... upp að vissu marki.
Bækur í sömu bókaseríu verða að vera jafn stórar (DIscworld, Dark Tower, LOTR), box verða að passa saman í skápunum (þess vegna elska ég tupperware) og myndarammar eiga allir að vera úr sama efni.
Þetta er það sem VERÐUR að vera eins.
Svo væri ég rosalega glöð ef:
gluggatjöld, púðar, dúkar og mottur í sama rými væru í svipuðum (SAMA!) lit
krydd væru öll í eins umbúðum (allt frá Pottagöldrum t.d.)
pottar væru allir í sama lit
handklæði (stór sem smá) væru öll dröppuð eða blá og helst frá sama framleiðanda
herðatré væru öll hvít, úr plasti og með buxnaslá
og svo framvegis... þið skiljið hvað ég á við... er það ekki?
Get annars alveg tekið fleiri dæmi :-)

EN þessi færsla átti ekki að fjalla um þetta, nei, hún á sko að vera um annan þátt skipulagsáráttu minnar... nefnilega þann hluta sem snýr að mat.

Í vetur datt ég inn á síðu þar sem Laura (heimavinnandi húsmóðir með 3 börn OG stórfelda skipulagsáráttu) gefur góð ráð um skipulag heimilisins og matseldarinnar.
Umrædd Laura er búin að koma upp 'klúbbi' sem kallast Menu Plan Monday (MPM) og snýst hann eingöngu um að skipuleggja (á mánudögum) matseðil fyrir heila viku í einu.

Ég prufaði þetta og fannst eins og ég hefði himin höndum tekið... ég var ekki að ákveða kl. 18.45 hvað átti að vera í kvöldmat, ég sparaði í matarinnkaupum (t.d. með að hafa steiktan kjúkling í matinn á miðvikudegi og svo pítu með kjúklingaafgöngum á fimmtudegi) og ég fór að borða hollari mat :-)

En eins og með svo margt annað datt þetta uppfyrir með prófum, vinnu og hækkandi sól.
Nú er ég hinsvegar orðin frekar þreytt á að vera að grípa eitthvað 'fjótlegt' (og þar af leiðandi óholt) þegar ég er að drepast úr hungri og fór því aftur að lesa síðuna hjá Lauru og hinum skipulagsfíklunum :-)

Matseðillinn fyrir þessa viku er tilbúinn og ég er mas byrjuð að spá í matseðli næstu viku.
Hér fyrir neðan getið þið séð hvað verður í matinn út vikuna á mínu heimili :-)
Uppskriftirnar eru ekki óumbreytanlegar, dagsetningum er hægt að breyta ef tíminn er knappur og um helgar eru frjálsar hendur (að mestu leyti).

Amm... mánudagar koma alltaf svo hratt.
Ég var byrjuð að skoða matseðilinn fyrir vikuna en svo er Unnar að fara út úr bænum og þá nenni ég nú ekki að elda!
Sennilega verður bara eitthvað óholt og fljótlegt í matinn næstu viku.

Geri bara góðann matseðil fyrir þarnæstu viku í staðinn :-)

Annars má bæta við þessa færslu, að tannlæknirinn minn (og sú stétt er nú ekki þekkt fyrir gjafmildi) sparaði mér amk 90.000 krónur í dag!
Ég braut út úr fyllingu á menningarnótt í fyrra og trassaði að láta kíkja á það. Um daginn (þegar ég fór norður síðast) braut ég út úr tönninni við hliðina líka, svo það var orðið svolítið stórt skarð fyrir skildi.

Svo fór ég til tannsa og hann sagði mér að ég þyrfti að fá krónu á báðar tennurnar og það myndi aldrei kosta mig undir 130 þús, en hann gæti mögulega gefið mér einhvern smá afslátt þar sem hann ætlaði að gera tvær.
Svo þegar ég fór til hans í dag, haldandi að ég væri að fara að láta gera við smá holu, tók hann sig til og smíðaði viðbót við báðar tennurnar :-)
Hann sagði að þetta ætti að duga mér í allnokkur ár (vonandi þar til fjárhagurinn er betri) og ég borgaði honum 20.000 fyrir :-D

Þetta lítur allt ljómandi vel út, hvítt plast í fyllingunni og allt í orden... Ég elska tannlækninn minn og verð að mæla með honum hér með.
Hann heitir Ingvi Kristinn og er með símann 511 4010.

Farið svo og látið gera við tennurnar í ykkur ;-)

Góður matur þessa vikuna....

Og enn og aftur ætlum við að reyna MPM (menu plan monday).
Ég er ekki búin að vera í neinu stuði til að elda og ef ég elda þá langar mig ekki að borða það!
Here goes:

Mánudagur:
Hakk og spaghettí
(Gulrætur, laukur, paprika + hakk steikt á pönnu með einhverri góðri sósu. Spaghettí með)

Þriðjudagur:
Fiskur með tómat og basil

Miðvikudagur:
Út að borða á Eldsmiðjunni og svo hittingur!

Fimmtudagur:
Kínverskar fiskibollur

Föstudagur:
Kjúklingabringur í parmaskinku

Hmmm... sagði ég ekki fyrir einhverju síðan að ég ætlaði að blogga meira?
Og vera dugleg að taka þátt í MPM?
Ég veit að nú er þriðjudagur að kvöldi kominn, en ég ætla samt að blogga smá og setja mánudags uppskriftirnar á netið.

Við skoðuðum hús í dag. Fallegt hús á góðum stað. Fallegt, dýrt hús á fallegum, góðum stað.
*Andvarp*
Það má láta sig dreyma. Ef einhver á 10 milljónir sem hann/hún hefur ekkert að gera við, værum við svo sem til í að koma þeim í lóg...

Mánudagur - sjoppufæði þar sem við vorum að koma að norðan.
Þriðjudagur - Pönnusteiktar kjúklingabringur, penslaðar með soyasósu og matarolíu. Bornar fram með spínati og gulri papriku.
Miðvikudagur - Ravioli
Fimmtudagur - Snarl... er að fara til Keflavíkur um kvöldið.
Föstudagur - Pizzaflétta
Laugardagur - Kjúklingalasagna með smá breytingum
Sunnudagur - BLTA samlokur