Sigga

Síðustu vikurnar höfum við verið í glasameðferð, við tókum þá ákvörðun um að láta engan vita hvenær við færum í uppsetningu og hafa þessa meðferð bara útaf fyrir okkur, þess vegna hef ég ekki talað neitt um þetta á blogginu mínu. En fyrir tvem vikum voru settir upp okkar síðustu tveir fósturvísar og í dag fengum við niðurstöðuna, hún var neikvæð.
Við höfum þess vegna ákveðið að hætta í þessum meðferðum og fara aðrar leiðir til að eignast barn, við erum búin að panta okkur tíma hjá Íslenskri ættleiðingu og ætlum að skoða það ferli allt saman á næstu dögum og munum svo sennilega ættleiða barn frá Kólumbíu því þar þurfa umsækjendur bara að vera orðnir 25 ára en ekki 30 ára eins og í mörgum öðrum löndum.
Við erum yfir okkur spennt og full tilhlökkunar og hlökkum til að takast á við þetta nýja ferli.
Daginn í dag notuðum við svo til að tilkynna fjölskyldunni þetta og auðvitað eru hún bara yfir sig glöð með þetta og spennt með okkur.

Knús og kram

Í dag er ég búin að brosa allan hringin og get ekki hætt að hugsa um að eftir nokkur ár verðum við komin með litla krílið okkar í fangið og fáum loksins að takast á við það yndislega hlutverk að verða foreldrar :)
Ein vinkona mín í vinnunni á svo vinkonu sem er að bíða eftir barni frá Kólumbíu og ég er auðvitað komin með símann hjá henni :) önnur vinkona mín sendi mér svo link á síðu á barnalandi hjá lítilli skvísu sem er frá Kólumbíu og hún er sko bara sætust.
Ég er að fara í spænsku nám í haust með verðandi ömmunni svo við getum nú spjallað við liðið í Kólumbíu þegar við komum til með að fara þangað í ferðalög í framtíðinni.
Ég er búin að vera að skoða alla þessa pappíra sem þarf að fylla út við umsóknina og get hvergi nokkur staðar séð eitthvað sem ætti að stoppa okkur í þessu þannig að ég er alltaf að verða meira og meira bjartsýn og glöð.
Eina leiðinlega sem ég heyrði í dag var að það er búið að lengja biðtímann frá Kólumbíu og er hann núna 3 ár þannig að ferlið gæti tekið allt að þremjur og hálfi ári, en það verður þá bara að hafa það við erum nú þegar búin að bíða í 5 ár svo við getum alveg beðið í 3 og hálft í viðbót.
Við notum þá tímann til að gera eitthvað saman, ferðast, læra spænsku, hressa okkur við eftir þessar meðferðir, fara í ræktina, vera með fjölskyldunni, dúlla okkur í bústaðnum, knúsa kisurnar okkar og hvort annað.
Þetta verður liðið áður en við vitum af og við komin með litla krílið okkar í fangið :)

Annars var ég að hjálpa mömmu að klára að ganga frá íbúðinni hennar í dag og núna er hún flutt til mín og verður hjá okkur í eina viku áður en hún flytur í tvo mánuði til Menorca, vá hvað það verður erfitt að hafa hana ekki hjá mér alltaf þegar ég þarf á henni að halda en ég veit samt að hún á eftir að skemmta sér svo vel þarna og þetta verður þvílíkt ævintýri fyrir hana.

Svo er brúðkaupið Jóhönnu og Rafá á morgun og við erum auðvitað rosa spennt og hlökkum til að gleðjast með þeim á morgun þegar þau ganga í hjónaband, enda eru þau bæði svo sæt og yndisleg.

knús og kram og munið að lífið er alveg yndislegt og svo frábært, gleymið ekki að njóta þess :)

Flott dagsetning og brúðkaupsdagur Jóhönnu og Rafá.
Við fengum að njóta þessa yndislega dags með þeim hjónum og skemmtum okkur alveg rosalega vel, enda svo hresst og skemmtilegt fólk þessar elskur.
Athöfnin var alveg yndislega falleg og allt svo yndislegt, tónlistin alveg ótrúleg og þau tvö svo ótrúlega ástfangin og hamingjusöm.
Það var líka svo gaman að hitta fjölskylduna hennar sem ég hef svo lítið séð undanfarið, þau eru alveg einstök og öll svo ótrúlega vel gerð.
Fleiri myndir á myndasíðunni :)

Við hjónin drifum okkur upp í bústað í morgun og tókum með okkur kerru til að tæma allskonar drasl af jörðinni okkar. Við fórum með tvær fullar kerrur af timbri og drasli í Sorpu, vökvuðum lautina, löguðum göngustíginn, lökkuðum pallinn, hengdum upp myndir og gardínur og fl.

Þetta er gjöf frá Andreu vinkonu minni, hún var svo yndisleg að taka til allar þær jurtir, strá, og blóm sem vaxa villt á landinu okkar og þurka þetta allt og setja í ramma. Núna hangir þetta fyrir ofan stofusófann okkar í bústaðnum og kemur alveg æðislega vel út, hún skrifar líka nafnið á öllum þessum jurtum undir hverja þeirra svo ég viti nú hvað þetta heitir allt saman.

Takk fyrir elskan mín, þetta er alveg æðislegt.

En það var þvílíkt æðislegt veður og er Davíð greyið hálf brunninn á bakinu, en það var næstum því of heitt til að vera að hamast svona þarna í dag, en við kældum okkur niður með fullt af ísköldu vatni og ís :)
Núna erum við svo komin heim og búin að kveikja á grillinu og ætlum að borða grillmat með mömmu og Atla, enda búa þau bæði hérna núna svo maður verður nú að gefa þeim eitthvað að borða :)

Knús og kram, hafið það gott.

Download file

Viðtalið við ÍÆ er á morgun, ég er alveg með svona spennu hnút í maganum, ekki að ég sé hrædd eða stressuð heldur bara yfir mig spennt. Er komin í samband við nokkra sem hafa og eru að ættleiða frá Kólumbíu, er búin að vera að lesa sögurnar þeirra og skoða myndir af fallegustu börnum í heimi. Þetta ferli tekur nú greinilega á alveg eins og meðferðirnar sem við erum búin að vera í, biðin er svo erfið og erfitt að vita ekkert og fá engar upplýsingar í marga marga mánuði í einu.
En ég ætla að horfa á björtu hliðarnar á þessum málum eins og öllu öðru, þetta ferli endar með barni, en meðferðirnar voru alltaf spurning hvort það kæmi barn eða ekki. Við erum búin með 5 ár í meðferðarpakkann og ættleiðingin á pottþétt ekki eftir að taka svo langan tíma, þannig að þetta ferli verður styttra en það síðasta og ef ég hugsa til baka núna þá hafa þessi 5 ár ekki verið svo lengi að líða, þannig að þetta á eftir að ganga.
Ég var komin með hundrað spurningar sem ég ætlaði að spurja um á morgun í viðtalinu en ég held bara að ég sé að verða búin að fá svör við þeim öllum :) þannig að kannski verð ég eins og bjáni á morgun og þarf ekki að spurja að neinu hí hí.

Annars er það alveg ótrúlegt hvað lífið varð einfaldra þegar við ákváðum að nú væri komið nóg af meðferðum, ég er búin að fara með allt sem tengdist þessum málum út af heimilinu, þ.e.a.s. ég fór með öll lyf og sprautur og drasl í apótekið, henti öllum pappírum nema litlu myndunum af fóstuvísunum okkar ég ætla að halda þeim bara svona til minningar, annars er allt farið og hellings skápapláss á baðinu eftir þessa tiltekt hí hí.
Maður finnur bara hálfpartinn til einhverskonar frelsis að vera laus við þetta, sprautur og lækna og drasl, ég var komin með svo yfir mig nóg af þessu öllu og bara þráði að losna undan þessu.
Auðvitað er það sárt að síðasta meðferð hafi ekki gengið og sennilega er ég ennþá aðeins að vinna úr því líka, en ég er samt líka svo glöð að geta farið að einbeita mér að einhverju öðru.

Núna eru minna en þrjár vinnuvikur eftir og þá koma 3 yndislegar vikur í sumarfrí hjá okkur hjónum, mamma er að fara út á föstudaginn og verður í tvo mánuði, ég er að fara í stelpu bústaðarferð um helgina og Davíð í veiðiferð með Valla, Sigga og Steinari svo það eru góðir tímar framundan.
Já og litli snúður hann Atli var að kaupa sér nýjan bíl, alveg rosa flottan sko svo hann er ekkert smá glaður líka núna :)

knús á alla saman :)

Við fórum í morgun að hitta Guðrúnu hjá ÍÆ og hún var auðvitað bara yndisleg og útskýrði allt svo vel fyrir okkur. Fór yfir ferlið í heild sinni og svaraði fullt af spurningum frá okkur :)
En við komumst líka að því hvað heimurinn er ótrúlega lítill, því hún spurði hvar við ættum heima og í ljós kom að hún átti einu sinni heima í þessari sömu íbúð ha ha bara sniðugt.
Hún lét okkur svo fá bunka af pappírum sem við þurfum að fylla út svo efni og bæklinga til að lesa.

En þá er þetta semsagt þannig að fyrstu skrefin eru að útvega hjúskaparvottorð, það tekur tvo daga og við erum búin að byðja um það, staðfest afrit af síðustu tvem skattaskýrslum sem við erum búin að ná í, blöð sem við þurfum að fylla út sem eru bara upplýsingar um okkur og svo annað sem er svona um heilsuna og sjúkdóma, ég er byrjuð að vinna í þeim og svo læknisskoðun og ég er búin að fá tíma á fimmtudaginn í næstu viku hjá lækninum.
Þegar þetta er allt komið þurfum við að borga 50.000 kr staðfestingargjald og þá förum við á biðlista og skilum inn öllum þessum gögnum.
Við ætlum að reyna að skila öllu inn á fimmtudag eða föstudag í næstu viku.

En svo verða pappírarnir sendir til sýslumannsins í Búðardal sem síðan sendir beiðni til félagsmálastofnunar. Félagsmálastofnun hefur svo samband við okkur og við þurfum að fara í viðtal þangað og svo er ein heimsókn frá þeim til okkar. Þau sjá um að gera skýrslu um okkar heimili og fjölskylduhagi. Þessi skýrsla verður svo lögð fyrir barnaverndarnefnd og síðan send sýslumanni sem tekur ákvörðun um forsamþykki.

Þetta ferli tekur svona 4 til 6 mánuði og svo verður umsóknin okkar send út til Kólumbíu :)

Ég ætla auðvitað að blogga um þetta ferli allt saman svona líka til að halda utan um söguna okkar í heild sinni, ég vil geta sagt barninu okkar frá þessu öllu saman einn daginn og ég er nú fljót að gleyma öllu svo það er gott að geta flett þessu upp á netinu.

En allavega þá verðum við Davíð orðnir foreldrar eftir nokkur ár, þá fáum við lítinn engil frá Kólumbíu, sem við ætlum að elska og annast allt okkar líf og reyna eftir okkar bestu getu að gefa barninu okkar yndislegt, hamingjuríkt og gott líf.

Kossar og knús

Ég vil byrja á því að þakka fyrir allar fallegu kveðjurnar í síðustu færslu, það voru ófá tárin sem runnu niður kinnarnar við lestur þeirra.

En síðustu dagar eru bara búnir að vera yndislegir, við erum búin að fylla út alla pappíra og eina sem vantar núna er læknisskýrslan og við hittum lækninn á morgun og vonandi klárar hann pappírana bara strax :)

Ég fór í bústað um helgina með Victoriu og Ásu og við áttum alveg yndislega helgi í bústaðnum saman, lásum bækur, fórum í pottinn, í sólbað, borðuðum, horfðum á stelpumyndir og kjöftuðum, bara gaman þar.
Davíð fór í Veiðivötn í veiðiferð með strákunum og þeir skemmtu sér mjög vel líka og komu heim með fullt af silung.
Ég er svo mikil mús í mér og bað Davíð að fara með fiskana, hreinsa þá og taka hausana af þeim og setja svo í frysti, eins og mér finnst þetta góður matur þá bara finn ég svo til með þeim þegar ég sé þá svona með galopin augun, dána greyin. Þess vegna fer ég ekki með í veiði því ég mundi sennilega sleppa þeim öllum aftur og gæti ekki drepið þá :)
En við grilluðum auðvitað silung og þetta var alveg æðislega gott hjá okkur.

Við ætlum svo að fara norður um næstu helgi, hitta ömmu, afa, Bigga, Boggu og alla hina líka.

Ég fór áðan til ÍÆ og fékk lánaða bók hjá þeim um kólumbíu og svo keypti ég aðra sem heitir Kjörfjölskyldan og ég ætla að kippa henni norður með mér og leyfa þeim að lesa, ef einhver annar í fjölskyldunni vill fá hana lánaða þá er það velkomið, þessi bók á að vera mjög góð fyrir fjölskylduna og alla í rauninni sem koma til með að umgangast barnið okkar t.d. leikskóli og fl. Þá finnst fólki líka kannski að það fái aðeins að taka þátt í þessari löngu löngu "meðgöngu" með okkur :)

Knús á ykkur öll og takk enn og aftur fyrir allar fallegu kveðjurnar, þið eruð yndisleg og ég er heppinn að hafa svona mikið af góðu fólki í kringum mig.

Í dag fórum við að hitta lækninn og við erum semsagt heilbrigð og hæf til að eiga barn, samkvæmt lækninum :)
Þau voru svo hneyksluð þarna að þau áttu ekki til orð yfir því að við þyrftum að fara í heyrnarmælinu ha ha bara gaman að þeim, konan sagði við mig "ég meina ég get talað við þig og þú heyrir í mér og skilur mig, er það þá ekki nógu góð heyrn til að þú heyrir í barninu gráta?" mér fannst það frekar fyndið hvað þetta fór fyrir brjóstið á henni, því ekki fannst mér þetta mikið mál. Enda hef ég þurft að fara í margar aðrar rannsóknir sem eru í alvöru leiðinlegar, erfiðar og hræðilega sársaukafullar þannig að skella á mig heyrnatólum og rétta upp hendi þegar ég heyrði væl var svo lítið mál fyrir mér. Ég skal fara í 100 heyrnarmælingar ef ég þarf aldrei aftur að fara í speglun eða myndatöku af leginu, áááiiiiiiii, þannig að ég spáði ekki einu sinni í því að það væri eitthvað skrítið að fara fram á góða heyrn í umsókninni, það eina sem ég hugsa um er að þetta ferli endar með barni og það er 100% öruggt.
En svo komst ég að einu góðu líka í dag að blóðþrýstingurinn minn er orðin eðlilegur, hann hefur alltaf verið aðeins í hærri kantinum en er í lagi núna og það er bara mjög gott mál :)
Reyndar varð ég pínu hneyksluð á einu varðandi þetta lækna dót, en við borguðum sko 700 kr fyrir tímann hjá lækninum ég 700 og Davíð eitthvað meira því hann þurfti að fara eftir 16 og þá er það meira, svo þurftum við að borga sitthvorn 1000 kallinn fyrir þvagrannsókn og svo þegar við komum til að ná í pappírana þá vorum við rukkuð um 5000 kr í viðbót fyrir vinnuna við að fylla þetta út, þá kostar semsagt þessi rannsókn að lágmarki 8400 kr.
En ég get svo sem hugsað þetta þannig að ein glasameðferð kostar 120.000 kr + lyfin önnur 20.000 kr þannnig að þetta er þá ekkert svo mikið :)

En gleðifréttirnar eru þá þær að við erum komin með alla pappíra og skilum inn umsókninni á morgun til ÍÆ, jahú gleði gleði og hamingja nokkrum skrefum nær litla englinum okkar.

Já og svo var hún elskulega Andrea mín svo frábær að búa til svona síðu fyrir mig um ættleiðingarferlið og setja inn sætasta teljara í heimi, það er linkur inná það hérna til hliðar og heitir "ættleiðingarferlið" þar ætla ég að setja inn svona þetta helsta sem skeður og dagsetningar og þannig til að halda utan um söguna okkar og svo auðvitað teljari sem telur dagana í biðinni með litlu sætu "Kólumbíukríli".

Knús og kremjur og fullt fullt af gleði og hamingju til ykkar allra

Við erum búin að skila inn umsókninni okkar :)
Ég fór áðan kl 10:00 eða um leið og það opnaði á skrifstofunni og skilaði inn öllum pappírunum okkar. Núna verður þetta sent í pósti til sýlsumannsins í Bolungavík og hann sendir þetta svo til barnaverndar og þeir hafa samband við okkur vonandi strax í næsta mánuði.

En þegar það er sótt um að fá barn frá Kólumbíu þá þarf víst að skila inn meðmælabréfum, þannig að okkur vantar núna svoleiðis.
Hún sagði að það væri mjög gott ef við þekktum einhvern með titil eða eitthvað hátt settan sem gæti skrifað slíkt bréf, akkurat núna man ég ekki eftir neinum sem ég umgengst mikið sem er með eitthvað háan titil, en allavega vantar okkur meðmælabréf og ef þú þekkir okkur vel og ert tilbúin að skrifa slíkt bréf væri það vel þegið :)

Knús í klessu og góða helgi, við förum norður eftir vinnu í dag og verðum þar yfir helgina.

Já það er víst, við eigum 7 ára brúðkaupsafmæli í dag. Ótrúlegt hvað tíminn er fljótur að líða :)
En við fórum auðvitað norður um helgina og fórum meira að segja á hjólinu, það var rosalega gaman en mér var líka rosalega íllt í rassinum að sitja svona lengi á hjólinu.
Það var voða gaman fyrir norðan við fengum að sofa í húsbílnum og það var ekkert smá kósí hjá okkur. Tengdó buðu okkur svo í mat þegar við komum í bæinn og þar fengum við þessa geggjuðu fiskisúpu nammi nammi namm.
En jæja við ætlum að kúra saman við hjónin yfir einhverri bíómynd á brúðkaupsafmælisdaginn okkar.
Knús og kremjur :)

Ég var að setja inn nokkrar myndir á myndasíðuna mína, nokkrar frá Ólafsfirði og svo frá deginum í dag.
En Bogey mín kom með mér heim eftir vinnu, við byrjuðum á því að fara í Bónus og hún fékk að velja hvað ætti að vera í matinn, auðvitað varð pizza fyrir valinu :)
Við versluðum í það og fórum heim, þá fékk litla skott að mála nokkrar myndir og gerði hún ekkert smá flott listaverk af kisunum mínum. Henni fannst þetta nú heldur betur gaman og sagði mér að hún ætlaði sko að verða listaona, dansari og eitthvað fleira.
En hún eldaði svo matinn fyrir okkur og raðaði svona rosalega flott ofan á pizzurnar fyrir okkur og þær voru auðvitað rosalega góðar hjá henni. Núna er hún í baði með nuddið í gangi og útvarpið á fullu og finnst það auðvitað rosa sport líka.

Hún fór svo að spurja mig hver ætti að eiga herbergið með Bamba í og ég ákvað að nota tækifærið og segja henni að við ætluðum að ættleiða lítið barn sem fengi að eiga þetta herbergi þegar það kæmi til okkar eftir nokkur ár. Henni fannst það auðvitað bara gott mál og spurði svo löngu seinna "Didda hvernig lærir barnið að tala íslensku?"
Hí hí börn eru svo yndisleg og saklaus, ég sagði henni auðvitað að við ætluðum að kenna því að tala íslensku og þá var það bara búið, ekkert mál að Didda ætli að ættleiða barn.

Núna langar mig til að eiga fullt af pening, vinna í lottó eða eitthvað álíka.
Mig vantar pening fyrir flugi til mömmu minnar, langar svo að fara til hennar en flug frá þessi litla skeri er bara ógeðslega dýrt. Það er svo ekkert mál að ferðast ódýrt um leið og maður er komin út.
En ég er búin að skoða bæði með Iceland Express og Icelandair og þetta er bara rugl þetta verð. Ég verð víst að sætta mig við að komast ekki út strax og svo er nú heldur ekki mjög langt í að mamma komi heim svo þá get ég knúsað hana í klessu :)
En ef ég vinn í lottó næsta laugardag þá verður það fyrsta sem ég geri að kaupa mér flugmiða og annan fyrir ástina mína og fljúga beint til Menorca drauma eyjunnar okkar og baða okkur í sólinni og láta svo mömmu bara þjóna okkur ha ha ha ha ha.

En við verðum víst að spara eitthvað af peningunum okkar fyrir litla sæta Kólumbíusi, ég get nú alveg sætt mig við að komast ekki út eða geta ekki klárað pallinn í bústaðnum strax fyrir það.
En er samt drullu fúl yfir þessu flugverð brjálæði, bara svona að koma því að :)

Á morgun kl 16:00 byrja ég í sumarfríi :) ..... já og Davíð líka hí hí
En við erum boðin í 35 ára afmæli á morgun og hvað er betra en að byrja sumarfríið á smá djammi :) Svo liggur leið okkar austur í bústað með 3 litla 9 ára gorma með í för, ódýrt vinnuafl til að hjálpa til í bústaðnum og kannski við skreppum svo með þau eftir langan vinnudag í sund svona aðeins til að skola af þeim mestu drulluna.
En ég veit ekki hversu mikið ég mun vera í netsambandi næstu 3 vikurnar því við ætlum líka að skella okkur norður og svo í eina viku í Húsafell með Álfheiði og Jóa í bústað með heitum potti og slaka á og njóta okkar.
En allavega þá er sumarfríið handan við hornið og mikið hlakka ég til að þurfa ekki að fara í vinnuna alla daga, heldur geta bara gert það sem mig langar, geggjað gaman.
Hafið það gott og verið góð við fólkið sem ykkur þykir vænst um.
knús og kremjur

Við vorum að koma úr bústaðnum, það var auðvitað mikið líf og fjör enda með þrjá níu ára gemlinga með í för :) Við fórum uppeftir á laugardaginn og þegar við komum uppeftir langaði Bogey nú held ég bara að snúa við þegar hún sá hvað bústaðurinn var lítill, henni leist ekkert á þetta.
En þetta var nú í lagi þegar hún var komin inn í húsið því þá var þetta allt í einu miklu stærra hí hí.
Þau horfðu held ég þrisvar á Shrek og fannst hún alltaf jafn fyndin. Smári hjálpaði til og sló garðinn og sagaði niður rör fyrir Davíð og svo var hann svona "handlangari" og við fengum svo að vita það að þegar pabbi hans var 16 ára var hann sko besti handlangari í Reykjavík ha ha ha, börnin eru yndisleg. En þetta var svo ótrúlega gaman að hafa þessi kríli með okkur þarna, það var svo miklu meira líf og fjör og alltaf eitthvað til að hlægja að, það verður bara allt fyndið og skemmtilegt þegar börnin eru nálægt. Við fórum líka á Hvolsvöll í sund og venjulega förum við Davíð þangað og leggjumst í heita pottinn og slökum á en ekki núna, því núna þurftum við að vera með í körfubolta og Davíð að leika sæskrímsli og elta þau út um alla laug skellihlægjandi og öskrandi, bara stuð.
Þau fóru í berjamó og voru svo öll orðin blá í framan og á fingrunum og fannst það nú ekki leiðinlegt og gerðu mikið að því að ulla á okkur til að sýna okkur fjólubláa tunguna og svo skellihlógu þau, eins og ég segji allt fyndið :)
En við Davíð náðum nú samt að klára að parketleggja baðherbergið og klára einn þakkant og þá eru bara 2 hliðar eftir því framhliðin var búin, annars var veðrið ekkert of gott þannig að maður nennti nú ekki að vinna mikið úti, allavega ekki við Davíð en krakkarnir voru úti að moka í rigningu og roki og voru sko í keppni hver gæti mokað dýpstu holuna og eru útigallarnir þeirra líka brúnir af drullu og ég var voða fegin að skila þeim bara til foreldranna og þurfa ekki að þrífa þetta sjálf hí hí.
Á morgun förum við svo norður til ömmu og afa og ætlum að stoppa þar í nokkra daga.

Ég setti svo myndir inná myndasíðuna úr bústaðnum.

knús í klessu