Fylltar grísalundir

• 2-3 grísalundir
• 200 g gorgonzola- eða gráðaostur
• mjúkar döðlur

Meira um: "Fylltar grísalundir"

Best er að blanda döðlunum og gráðaostinum saman í matvinnsluvél. Gerið holu/gat í grísalundirnar eftir endilöngu. Fyllið með döðlu- og gráðaostamaukinu (best er að setja fyllinguna í sprautupoka og sprauta henni inn í lundirnar). Lokið gatinu með tannstöngli. Byrjið á því að grilla við mikinn hita til að fá fallegar grillrákir í kjötið. Færið síðan kjötið upp á efri grindina og grillið við vægan hita í u.þ.b. 15-20 mínútur.
Berið fram með grilluðu grænmeti og bökuðum kartöflum.

fela aftur

admin | | | | Umsagnir (0)

Grísalundir með gráðostasósu

• 1 grísalund, skorin í ca 10 cm bita/steikur
• 1 gráðostur
• 1 peli rjómi
• 1 msk balsamico edik
• 1 skallottulaukur, saxaður
• smjör

Meira um: "Grísalundir með gráðostasósu"

Laukurinn saxaður og léttsteiktur í smá smjöri, ediki bætt útí og látið sjóða aðeins niður. Þá er rjómanum bætt saman við og gráðosturinn mulinn útí. Látið sjóða í ca 4 mínútur.

Lundin er skorin og steikt á pönnu við háan hita, þegar hún er orðin gullinbrún er lækkað í lágan hita og lok sett á pönnuna, og látið steikjast í ca 10 mínútur eða þar til hún er tilbúin. Hægt er að tékka á því með hitamæli og á hitinn að vera um 70°C í miðju stykkinu en annars er bara að skera aðeins í þykkasta bitann og sjá hvort að liturinn á vökvanum sem kemur úr því er glær ef hann er það er það tilbúið ef hann hefur lit er hann ekki tilbúinn.

kokkfood.blogspot.com

fela aftur

admin | | | | Umsagnir (0)

Ítalskar kjötbollur

Fyrir ca 4 fullorðna.

• 700 gt nautahakk
• 2-3 mtsk rasp eða hveiti
• ca 7 mtsk rifinn parmasean ostur
• 3 cm af rauðu chili smátt skorið
• rifinn sítrónubörkur af ca hálfri sítrónu ( smátt rifið)
• 5-6 mtsk smátt skorin fersk steinselja
• 2 egg

• Stór dós Hunts pasta sósa
• salt og pipar

Meira um: "Ítalskar kjötbollur"

Blanda þessu öllu vel saman í skál , búa svo til litlar bollur og steikja í olíu á pönnu í ca 10 mín ( steikja vel á öllum hliðum) . Svo setti ég útá pönnuna á bollurnar eina stóra dós af Hunts pasta sósu með garlic og lauk ( má að sjálfsögðu nota hvaða sósu sem er eða gera sína eigin). Láta það malla smá og setja svo slatta af soðnu spagettí útá hræra saman og bera fram. Hafa svo bara ferskt salat með og rifinn parmasean ost til að setja oná. Þetta er alveg geggjað gott :) og hlutföllin eru ekkert heilög

fela aftur

Solla | | | | Umsagnir (0)

Hreindýra eða nautagúllas veiðimannsins

• 2 gulrætur
• 1 stór rauðlaukur
• 5 hvítlauksrif
• 2 sellerísstangir
• ólívuolía
• 1000 gr af hreindýra eða nautagúllasi
• 3 lárviðarlauf
• 3 rósmaríngreinar
• villikraftur
• ein stór dót tómatpurré
• 3 dósir hakkaðir tómatar
• rauðvín

Meira um: "Hreindýra eða nautagúllas veiðimannsins"

Grænmetið skortið smátt niður og steikt á pönnur í olívuolíu þar til mjúkt og gljáandi. Þá er 1000 gr af hreindýra eða nautagúllasi bætt saman við og brúnað að utan. Sett í stóran pott þá er 2 stórum glösum af rauðvíni bætt útí ásamt 3 dósum af tómötum og jafnmikið af vatni. Saltað og piprað.
Rósmarín, 3 lárviðarlauf, smávegis villikraftur og ein stór dós af tómatpuré einnig bætt saman við.

Hrært vel saman.
Suðunni leyft að koma upp og sjóða með lokið á í 2-3 klukkutíma.
Þá er lokið tekið af og sósan er soðin niður um helming. Þegar sósan er orðin þykk og fer að verða tilbúinn er hún smökkuð til og söltuð og pipruð eftir smekk.

Borið fram með hrísgrjónum , hvítlauksbrauði og fersku salati.

fela aftur

Solla | | | | Umsagnir (0)

Ítalskar kjötbollur í pestótómatsósu

Kjötbollur:

• 2 sneiðar gróft brauð
• 1 laukur
• 1 hvítlauksgeiri
• 10 cm bútur af kúrbít
• 50 gr. sólþurrkaðir tómatar
• 450 gr. nautahakk
• 1 egg
• 1 tsk salt
• 250 gr. penne eða annað pasta
• 15 gr. parmesanostur, nýrifinn

Pestótómatsósa:

• 1 dós (400 gr.) tómatmauk eða saxaðir tómatar
• 2 msk rautt pestó
• 1 tsk ítölsk kryddjurtablanda
• 1 tsk hunang
• salt og pipar

Meira um: "Ítalskar kjötbollur í pestótómatsósu"

Hitaðu ofninn í 200°c. Sett brauðið, laukinn og hvítlaukinn í matvinnslulvél og láttu ganga þar til komin er grófgerð mylsna.
Skerðu kúrbítinn og tómatana í bita, settu út í ásamt hakkinu og láttu vélina ganga áfram þar til allt er hakkað saman en ekki alveg slétt. Það má sleppa kúrbítnum, en hann gerir bollurnar mun safaríkari.

Hrærðu egginu saman við og kryddaðu með salti og pipar. Mótaðu fremur litlar bollur úr farsinu, raðaðu þeim á pappírsklædda bökunarplötu og bakaðu í 15-20 mínútur.

Sjóddu pastað á meðan þar til það er rétt tæplega meyrt. Láttu renna af því í sigti og hvolfdu því á fat. Dreifðu bollunum yfir, heltu sósunni yfir þær og rífðu dálítinn parmesanost yfir allt saman.

Sósan:
Settu allt í pott, hitaðu að suðu og hrærðu öðru hverju. Láttu malla í 4-5 mínútur. Smakkaðu og bragðbættu eftir smekk.

(Úr "Af bestu lyst 3"

fela aftur

Nornin | | | | Umsagnir (0)

Kryddjurtaborgari með salsa.

Salsa með lárperu og kóríander

• 1 lárpera , vel þroskuð
• 2-3 tómatar , vel þroskaðir
• 1/2 chilialdin , rautt
• 1/2 knippi kóríanderlauf
• safi úr 1/2 límónu
• 1 msk ólífuolía
• salt

Kryddjurtaborgari með salsa

• 600 g kjöthakk , gjarna blanda af nauta- og svínahakki
• 1 rúnnstykki , kjallarabolla eða þykk brauðsneið
• börkur af 1 sítrónu
• 1 hvítlauksgeiri
• kryddjurtir eftir smekk, t.d. Basilíka, rósmarín, timjan
• 1 egg
• pipar , nýmalaður
• salt
• hamborgarabrauð
• sýrður rjómi

Meira um: "Kryddjurtaborgari með salsa."

Leiðbeiningar Salsa : Afhýðið lárperuna, fjarlægið steininn og skerið aldinkjötið í bita. Skafið fræin úr tómötunum og skerið þá í litla bita. Fræhreinsið chili-aldinið og saxið það smátt. Saxið kóríanderlaufið. Þeytið saman límónusafa, olíu og salt, hellið yfir og blandið.

Leiðbeiningar borgari : Hitið grillið og penslið grindina e.t.v. með olíu. Setjið hakkið í skál. Rífið brauðið niður, setjið það í matvinnsluvél ásamt sítrónuberki, hvítlauk og kryddjurtum. Látið vélina ganga þar til allt er orðið að mylsnu. Blandið mylsnunni saman við hakkið, ásamt eggi, pipar og salti. Mótið 6-8 buff, um 1 1/2 cm á þykkt, úr hakkblöndunni og raðið þeim á grillið, beint yfir eldi. Grillið borgarana í 3-4 mínútur á hvorri hlið, eða þar til þeir eru gegnsteiktir. Grillið hamborgarabrauðin þar til þau eru rétt farin að brúnast á jöðrum. Berið borgarana fram á brauðunum ásamt salsa með lárperum og kóríander (sjá uppskrift) og sýrðum rjóma.

fela aftur

Solla | | | | Umsagnir (0)

Nautagúllas a la Chinata

• 1 msk. olía
• 1 laukur, skorinn smátt
• 5 hvítlauksrif, skorin smátt
• 8 sveppir, skornir í sneiðar
• 2 sætar kartöflur, skornar í teninga
• 750 g nautagúllas
• 1½ tsk. bitter sweet La Chinata paprika
• 1 tsk. timjan
• 2 tsk. oregano
• 1 tsk. basilíka
• 1 tsk. rósmarín
• ½ tsk. kummin (cumin)
• Cayenne pipar að smekk
• 400 ml nautasoð
• 400 g dós niðursoðnir tómatar
• 100 ml rauðvín
• salt og pipar

Hitið olíu á djúpri pönnu og steikið, lauk og hvítlauk í 5 mín. Bætið sveppum út í og steikið áfram þar til þeir hafa brúnast. Bætið sætum kartöflum saman við, hrærið í og steikið í 1-2 mín. Takið af pönnunni og setjið til hliðar í skál. Steikið nautagúllasið á pönnunni án frekari olíu ef hægt er en annars með eins lítilli olíu og þið komist af með. Þegar kjötið hefur brúnast á öllum hliðum er grænmetinu bætt saman við ásamt kryddinu, soðinu, tómötunum og rauðvíninu. Látið suðu koma upp, lækkið hitann og látið malla í a.m.k. eina klst. Kryddið að smekk með salti og pipar.

Berið fram með kartöflustöppu eða soðnum kartöflum.

Fyrir 4

Meira um: "Nautagúllas a la Chinata"

Í þessa uppskrift er notuð reykt paprika frá fyrirtækinu la Chinata á Spáni en hún er nýtt krydd á markaði hér á Íslandi. Margir hafa kynnst hinu sérstaka bragði reyktu paprikunnar í útlöndum og komið heim með dósir sem þeir hafa síðan lúrt á eins og ormar á gulli. Núna eru breyttir tímar og reyktaLa chinata paprikan fæst í þremur gerðum í Kokku og Melabúðinni í Reykjavík og hjá Pottum og priki, Friðriki V og Samkaupum-Úrvali í Hrísalundi á Akureyri. Auk þess er paprikan seld í vefverslun á vefnum www.altunga.is.

fela aftur

Altunga | | | | Umsagnir (0)

Suður Afrískur lambapottréttur

(fyrir 2)
Hráefni:

• 1/2 kg. súpukjöt
• 1 stk laukur
• 1/2 chilli
• 1 1/5 msk olía
• Salt og pipar
• 1/2 msk hrásykur
• 125 ml. vatn
• 350 gr. sætar kartöflur
• 1 rauð paprika
• 1 biti engifer
• 1 tsk. garam masala

Meira um: "Suður Afrískur lambapottréttur"

Fituhreinsið kjötið, skiptið því í minni bita og fjarlægið beinin.

Skerið laukinn í bita. Fræhreinsið chillíið og saxið það smátt.
Hitið olíuna í potti og látið laukinn krauma í henni við meðalhita í 6-8 mínútur eða þar til hann er meyr.

Hækkið þá hitann, setjið kjötið í pottinn og látið krauma þar til það hefur tekið lit. Hrærið til að brúna allar hliðar.

Bætið chillíinu saman við, hrærið salti, pipar og sykri útí.
Hellið vatninu útí og látið malla undir loki í 1 klst.

Fræhreinsið paprikurnar og flysjið sætu kartöflurnar og skerið hvort tveggja í bita. Bætið út í pottinn ásamt engifer (um 1 sentimetri er nóg) og látið malla í annan hálftíma eða þar til kartöflurnar eru meyrar.

Hrærið þá garam masala saman við og berið fram með kúskús.

fela aftur

Nornin | | | | Umsagnir (0)

Stroganoff með núðlum

(fyrir 4)
Hráefni:

• 700 gr. nautakjöts gúllas
• salt og pipar
• 3 msk smjör
• 2 msk hveiti
• 2 bollar nautakraftur
• 2 msk Dijon sinnep
• 1/4 bolli sýrður rjómi
• 1 msk ólívuolía
• 1/2 laukur, niðursneiddur
• 1/3 bolli asíur (má sleppa)
• 450 gr. eggjanúðlur
• Söxuð steinselja (til skreytingar)

Meira um: "Stroganoff með núðlum"

Skerið kjötið í bita (ef þið kaupið það ekki tilbúið í gúllas). Saltið og piprið.
Geymið inn í ísskáp á meðan annar undirbúningur fer fram.

Bræðið smjörið á pönnu og hrærið hveitinu smátt og smátt saman við. Hrærið nautakraftinum út í. Látið sjóða í 1 mínútu. Hrærið sinnepinu og sýrða rjómanum útí og látið krauma í 2-3 mínútur.
Takið af hitanum og kryddið með salti og pipar.

Takið aðra pönnu (eða pott). Bræðið 1 msk. smjör og 1 msk. ólívuólíu saman, steikið kjötið og laukinn saman í þessum potti. Ef þið notið súru gúrkurnar skal bæta þeim í þennan pott eftir að kjötið hefur steikst í 3-4 mínútur.

Sjóðið núðlurnar.

Setjið núðlurnar á disk, raðið smá kjöti yfir og hellið svo sósunni yfir allt saman.
Berið fram með góðu brauði.

fela aftur

Nornin | | | | Umsagnir (0)

Wellington nautalundir

(fyrir 2)
Hráefni:

• 400 gr. Nautalund
• 100 gr. smjördeig
• 1 lítið egg

Duxelle:

• Nokkrir sveppir
• 40 gr. laukur
• 1/2 búnt steinselja
• 40 gr. smjör
• 1 hvítlauksrif
• Brauðrasp
• Salt og pipar

Meira um: "Wellington nautalundir"

Byrjið á að útbúa Duxelle:
Bræðið smjörið á pönnu, saxið sveppina, hvítlauk og lauk mjög fínt. Steikið í smjörinu. Bætið steinseljunni við, kryddið með salti og pipar. Þurrkið upp með brauðraspinu þannig að úr verið þykkur massi.

Bindið nautalundirnar upp með steikingagarni og brúnið vel á pönnu. Steikið svo í ofni á 200°c í 10 mínútur, kælið að lokum.
Þegar þær eru kaldar, takið bandið af og kryddið með salti og pipar.

Fletjið smjördegið út í hæfilega þykkt, smyrjið duxelle í miðju deigsins og setjið lundina ofan á. Smyrjið efri hluta lundarinnar einnig með duxelle og pakkið inn í smjördeigið.

Lokið samskeytunum með tilslegnu eggi.

Leggið á ofnplötu (smjörpappírsklædda) og bakið í 30-40 mínútur á 200°c.
Látið standa í nokkrar mínútur áður en skorið er.

Berið fram með Madeirasósu.

fela aftur

Nornin | | | | Umsagnir (0)

Lamb með Mango Chutney

• 4 lamba fillet
• 200 gr. Mango Chutney
• 1 msk. hvítlaukur, maukaður
• 1 msk. svartur pipar, malaður
• 1 msk. sinnep

Meira um: "Lamb með Mango Chutney"

Setjið Mango Chutney í blandara. Bætið hvítlauknum, sinnepinu, piparnum,
saltinu og olíunni út í. Blandið vel. Þekið lambið vel með maukinu. Látið
marinerast í 2 klst. Grillið síðan lambið eftir smekk.
Berið fram t.d. með hrísgrjónum og Naan brauði.

fela aftur

admin | | | | Umsagnir (0)

Andabringur með furuhnetu- og vínberjasósu

Fyrir 6
Hráefni: Villifuglasoð

• Beinin af öndunum, læri og vængir
• 2 l vatn
• 1 stk. sellerístilkur
• 1 stk. laukur
• 1 stk. gulrót
• 2 stk. lárviðarlauf
• 1 búnt steinselja
• 1/2 stk. blaðlaukur
• 6 stk. einiber
• 2 stk. negulnaglar
• 10 stk. Piparkorn

Meira um: "Andabringur með furuhnetu- og vínberjasósu"

Vínberja- og furuhnetusósa

• 5 dl soð
• 1 dl rjómi
• 100 g gráðaostur
• 1 dl ristaðar furuhnetur
• 20 stk. græn vínber, skorin í tvennt og steinhreinsuð
• ögn kjötkraftur
• 2 tsk. rifsberjahlaup
• sósujafnari
• salt og pipar

Kartöflu- og eplastrudel

• 8 stk. blaðdeigsblöð (Filodeig)
• 1 stk. sæt kartafla
• 2 stk. epli, gul
• 1/2 dl valhnetukjarnar
• 1/2 dl rúsínur
• 100 g smjör
• 1 msk. kanilsykur

kokkurinn113 sendi þessa veglegu uppskrift inn.

fela aftur

Aðsent | | | | Umsagnir (0)

Fylltar kalkúnabringur...

með villisveppum, parmesanosti og sólþurrkuðum tómötum fyrir 6
Hráefni:

• 1,2 kg kalkúnabringur (3-4 stk)
• 1 tsk. rósmarínduft
• salt og pipar
• 1 msk. ólífuolía

Villisveppasósa

• 3 dl kjúklingasoð (eða vatn og teningur)
• soðið af villisveppunum (sem fara í fyllinguna)
• 1 tsk. hunang
• 8 stk. sveppir, meðalstórir, fínt saxaðir
• 2 stk. skalottlaukar, fínt saxaðir
• 1 dl rauðvín
• 1 msk. rósmarín, ferskt, fínsaxað
• smjör til steikingar
• sósujafnari
• salt og pipar
• sósulitur

Meira um: "Fylltar kalkúnabringur..."

Fyllingin

• 4 stk. sólþurrkaðir tómatar
• 400 g villisveppir
• 1 dl pecan hnetur
• 2 msk. parmesanostur
• 1 stk. egg
• 5 msk. rjómaostur
• 1 dl brauðrasp
• 2 msk. sérrí
• salt og pipar
• 2 msk. hveiti

Snöggsoðið grænmeti
500 g ferskt grænmeti í smáum bitum:

• blómkál
• spergilkál
• belgbaunir
• kúrbítur
• gulrætur
• paprika, rauð

Rjómasoðnar sinnepskartöflur

• 600 g kartöflur
• 3 dl rjómi
• 2 tsk. Paprikuduft
• 1 msk. dijon sinnep
• salt og pipar

kokkurinn113 sendi þessa veglegu uppskrift inn.

fela aftur

Aðsent | | | | Umsagnir (0)

Baunasúpa

Þessu er svolítið gamaldags.

• 2 l.vatn
• 1/2 kg. kjöt
• 200 gr. baunir
• 1 tesk. salt
• 1/2 kg. jarðepli
• 20 gr. laukur
• 1/2 kg. rófur

Baunirnar eru þvegnar og lagðar í volgt vatn yfir nóttina. Baunirnar og vatnið, sem þær hafa legið í, er látið í pott, hitað og hrært er í, þar til sýður. Froðan er tekin vel ofan af. Bezt er, að kjötið sé vel feitt, og má nota hvort heldur er saltað kjöt eða nýtt. Sé það saltkjöt, er það afvatnað og baunirnar ekki saltaðar. Bezt er svínakjöt í baunir. Laukurinn er flysjaður og látinn út í í heilu lagi ásamt kjötinu. Soðið í 1 klst. Jarðeplin og rófurnar eru flysjaðar og látnar út í. Gott er að hafa hvítkál. Soðið í hálftíma. Kjötið tekið upp á fat, og rófum og jarðeplum raðað utan um. Saltað að vild.
Ath. Séu baunirnar mjög grófar, er gott að nudda þeim í gegnum gatasigti og hita þær aftur.

"Lærið að matbúa"

admin | | | | Umsagnir (0)

Saltkjöt og baunir

• 300 g gular baunir
• 2 l vatn
• 1 laukur
• 100 g beikon
• 1 tsk. tímían
• 1 lárviðarlauf
• nýmalaður pipar
• 1,5 kg saltkjöt
• 600 g gulrófur
• 300 g gulrætur
• 500 g kartöflur

Setjið baunirnar í pott og hellið köldu vatni yfir. Hitið að suðu og fleytið froðu ofan af. Saxið laukinn og skerið beikonið í bita og setjið út í, ásamt tímíani, lárviðarlaufi og pipar. Látið malla við fremur hægan hita í u.þ.b. klukkustund. Setjið 1-2 bita af saltkjöti út í en sjóðið hitt sér í potti. Sjóðið kjötið í u.þ.b. 1 klst. Afhýðið á meðan rófurnar og skerið í bita. Skafið eða afhýðið gulræturnar og skerið þær í bita. Afhýðið kartöflurnar og skerið þær í bita ef þær eru stórar. Setjið grænmetið út í þegar u.þ.b. 25 mínútur eru eftir af suðutímanum og látið malla þar til það er meyrt. Bætið við svolitlu vatni ef súpan er mjög þykk.

admin | | | | Umsagnir (0)

Saltkjöt og baunir

• 1½ l vatn vatn
• 1 kg saltkjöt
• 750 g gulrófur
• 200 g gularbaunir
• 50 g hvítkál (má sleppa)
• 2 stk gulrætur (má sleppa)
• 1 stk laukur

Sjóðið baunirnar í 1 1/2 til 2 tíma. Saxið laukinn og sjóðið hann með (sumar baunir eru fyrst lagðar í bleyti í 2-3 klst). Sjóðið 1-2 saltkjötsbita í súpunni síðasta klukkutímann. Sjóðið restina af kjötinu í sér potti í u.þ.b. 1 klst.
Skerið gulrófurnar í bita og sjóðið með súpunni síðustu 30-45 mín. Skerið gulræturnar í sneiðar og hvítkálið í ræmur og sjóðið hvorttveggja í súpunni síðustu 15-20 mín. Þynnið baunirnar með soðinu af saltkjötinu eða með vatni, sé soðið of salt.

admin | | | | Umsagnir (0)

Indverskur pottréttur

• 300 gr svínagúllas
• 1 stór bökunarkartefla
• 2 gulrætur
• ½ paprika
• 1 krukka Tikka masala frá Tilda
• ¼ dór ananasbitar ásamt safa
• 1 grænmetisteningur
• 1 tsk mango chutney
• Rjómi ef vill

Brúnið kjötið vandlega í potti.
Kartefla skorin í teninga, gulrætur í sneiðar, paprika í bita og allt sett í pott ásamt sósu, ananas, ananassafa, grænmetisteningi og mango chutney.
Allt látið sjóða í 20 til 30 mín eða þar til kartefla og gulrætur eru mjúkar.
Þá er kjötið sett út í og rjómi ef han er notaður.

Borið fram með hrísgrjónum, naan brauði, gúrku-raitu og mango chutney.

Sigga Ásta | | | | Umsagnir (0)

Kjöt í pestó

Fyrir 2.

• 500 gr. Kjöt að eigin vali. Lang best er að vera með kjúklingabringur, nautakjöt eða lamb.
• 1 krukka Rauð pestósósa
• Blaðlaukur, eggaldin, ekki nauðsyn en gott með.
• 2 hvítlauksrif, má sleppa.

Kjötið sem nota á er skorið í strimla u.þ.b. 1 cm þykka.
Hvítlaukurinn er marinn og honum hrært út í pestósósuna.
Kjötið er sett í sósuna og látið marinera í u.þ.b. 2 tíma í ísskáp (frábært að láta það vera lengur, jafnvel yfir nótt).
Grænmetið er sneitt smátt.

Öllu blandað saman í eldfastmót og sett inn í ofn á 180 gráður og haft þar í klukkutíma (eða eftir þörfum ef uppskriftin er stækkuð).

Borið fram með hrísgrjónum, salati og hvítlauksbrauði.
Rósavín eða létt hvítvín fer vel með þessum rétti sama hvaða kjöt er notað.

Gott er að nota 1 krukku af pestó pr. 500 gr og 2 hvítlauksrif pr. krukku.
Reiknað er með 200-250 gr. af kjöti á mann.

Nornin | | | | Umsagnir (0)

Hjörtu með rauðum chili og kókos

Fyrir 4 - 5

• 900 g lambahjörtu (fituhreinsuð og skorin í bita)
• 1 rauður laukur (saxaður smátt)
• 1 hvítlauksgeiri (kraminn með hnífsblaði og saxaður)
• 1 msk. ferskur engifer (rifinn)
• 1 rauður chili (fræhreinsaður og skorinn í sneiðar)
• 2 sellerístilkar (skornir í sneiðar)
• 1 lárviðarlauf
• 6-7 sveppir (skornir í sneiðar)
• 3 msk. sojasósa
• 2 dl eplasafi
• 1 og 1/2 dl rjómi
• 2 msk. fínt kókosmjöl

Þetta er ekki fyrsta uppskriftin sem ég tek upp úr fréttablaðinu. Og ekki spillir að þetta er einstaklega ódýrt og örugglega mjög gott.

Fituhreinsið hjörtun og skerið þau í frekar litla bita og steikið á pönnu í ca 3 mín. með lauknum og hvítlauknum. Setjið til hliðar. Steikið grænmetið, chili og engifer á pönnu í um 2 mín. Setjið þá hjörtun út í og steikið allt áfram. Bætið lárviðarlaufi, eplasafa og soyasósu út í og látið suðuna koma upp. Sjóðið kröftuglega í 2-3 mín. Lækkið þá hitann, setjið rjómann í og látið allt malla í ca 15-20 mín. Hrærið kókósmjölinu út í og látið malla með seinustu mínúturnar. Gott að bera fram með góðri kartöflumús, brauði og salati.

admin | | | | Umsagnir (0)

Gráðostafylltar grískótilettur

Einn af mínum uppáhalds.....

• Grísakótilettur
  
• Gráðostur
  
• Egg
  
• Hveiti
  
• Salt og Pipar
  

Fyrst þarf að skera vasa í kótilettuna (gott að hafa þær nokkuð þykkar) og stinga gráðostinum í vasann.

Hræra eggin út og krydda að smekk, ég mæli einfaldlega með nýmuldum svörtum pipar og salti. því næst veltum við kótilettunum upp úr þessu, og síðan upp úr hveitinu.

Þetta er síðan bakað í ofninum við vægan hita, mig minnir að það sé c.a. 1-1/2 tími, og þetta er óóóóótrúlega gott og meyrt...

admin | | | | Umsagnir (0)