Tyrknesk baunasúpa

Baunasúpa frá Tyrklandi Fyrir 2-4

• 2 dl rauðar linsubaunir
• 1 meðalstór kartafla
• 2 gulrætur
• 1 laukur
• 2 grænmetisteningar
• 1 dós tómatpuré
• Mynta, þurrkuð eða fersk
• salt og pipar

Meira um: "Tyrknesk baunasúpa"

Allt grænmetið er saxað niður mjög smátt. Setjið 1 lítra af vatni í pott og bætið við grænmetinu. Gott er að sjóða grænmetið þar til að það maukast og bæta svo baununum við þar sem þær þurfa styttri tíma. Bíðið þar til suðan kemur upp, lækkið hitann og látið krauma í 20 til 40 mínútur. Tómatmaukinu er því næst bætt við og svo myntunni. Salt og pipar eftir smekk. Anna bendir á að einnig sé hægt að sleppa myntunni og setja 1½ dós af kókosmjólk út í ásamt kóríander og þá sé komin önnur góð súpa.

Fréttablaðið

fela aftur

admin | | | | Umsagnir (0)

Mexikósúpa

• 4-5 kjúklingabringur, skornar í teninga
• 1 lítill blómkálshaus og 1 lítill brokkolíhaus (hægt að kaupa saman í pakka í Bónus)
• 1 poki gulrætur
• 1 dósLite kókosmjólk
• 1 dós mild salsasósa
• 1 dós medium salsasósa
• 1 stór laukur
• 2 hvítlauksgeirar
• 1/2 dós tómatpúrra
• 1 1/2 líter vatn

Meira um: "Mexikósúpa"

Allt skorið niður og sett í pott og látið sjóða í klukkutíma dugar jafnvel í nokkra daga :) svo hægt að sigta út gummsið og nota í ommilettu namm namm

fela aftur

Solla | | | | Umsagnir (0)

Kjúklingasúpa

• ca 3-4 kjúklingabringur (uþb 1 kg.)
• 2 stk rauðar paprikur
• 1 stk púrrulaukur
• 1 dl (+/-). Sweet chilli sause
• 4 stk. gulrætur
• 6 msk gular baunir
• 1 askja rjómaostur (400 gr)
• 6-7 dl kjúklingasoð (vatn + 1-2 teningar kjúklingakraftur)
• 1 peli rjómi
• 2 msk karrý
• 0,5- 1 tsk pipar

Meira um: "Kjúklingasúpa"

Gulrætur skornar smátt og steiktar á pönnu.
Paprika og púrran skorin á meðan og jafnframt létt steikt. Allt sett í stóran pott og geymt.
Síðan er kjúklingurinn skorinn í hæfilega bita og steiktur ca. 5 mín á pönnunni.
Skuttlað út í pottinn.
Síðan er soðinu komið til á pönnunni og osturinn leystur upp í því.
chilli sósunni sullað saman við
og að síðustu rjómi og krydd.
Öllu svo vel heitu sullað yfir allt gummsið í pottinum. Honum komið
fyrir á hellunni heitu þar sem pannann er nú búin að þjóna sínum tilgangi.
Suðu er náð á ný og súpan er tilbúin þegar allt hefur sæst og súpan hefur
gengið góða áferð.
Smakkið til og þynnið ef of þykk. Einnig má setja minna
af chilli sósunni og bætt svo út í ef þurfa þykir.
Alveg í lokin mega svo gulu mais baunirnar fljóta með!(Fyrir ca. 4-6)

fela aftur

Solla | | | | Umsagnir (0)

Grænmetissúpa

• 4 súputeningar
• ½ l vatn
• 3 msk ólífuolía
• ½ laukur
• 1-2 cm engifer
• ½ tsk. chili pipar eða chayenne
• 5 hvítlauksrif
• 1 pk grænmetissúpa
• 1 l vatn
• 1 ds. brytjaðir tómatar
• 200 g kjúklingakjöt

Meira um: "Grænmetissúpa"

Setja súputeningana í ½ l vatn og sjóða í potti.
Á meðan það sýður er engifer, hvítlaukur og laukur brytjað mjög smátt, sett í pott og mýkt í olíunni. Teningasoðið sett útí og súpan soðin skv. leiðbeiningunum á pakkanum og svo öllu blandað saman. Nú eru tómatarnir settir saman við og suðan látin koma upp og seinast er kjötinu bætt við

Uppskrift barst í gegnum facebook.
Sendandi: Gudrun Juliusdottir

fela aftur

admin | | | | Umsagnir (0)

Æðisleg grænmetissúpa

• 3 dósir hakkaðir tómatar
• 1 rauð paprika
• 2 sætar kartöflur ( meðal stærð)
• 1 laukur
• 4 hvítlauksrif
• 1 lítill brokkolíhaus
• 7 gulrætur ( meðalstærð)
• krydd að vild

Meira um: "Æðisleg grænmetissúpa"

Setja tómatdósirnar í pott ásamt sama magni ca af vatni og hita, bæta svo útí niðurskornu grænmetinu ( ég skar þetta flest frekar gróft) . Lét sjóða í ca 40 mín og settí ég útí þetta ítalskt krydd, rósmarín, graslauk þurrkaðan, salt, pipar, karry og masala krydd indverskt. Lét þetta malla allt og smakkaði svo bara til . Þetta tókst geggjað vel , rosa gott að hafa nýbakað brauð með og setja súpuna á disk og setja smá kotasælu eða ost útá ! Svo má eðlilega setja hvaða grænmeti sem er bara það sem fólk fílar. Mæli td með hvítkáli og blómkáli og sellerí !

fela aftur

Solla | | | | Umsagnir (0)

Góð og einföld grænmetissúpa

• 1 stk laukur
• 8 stk gulrætur
• 8 stk kartöflur
• 1/2 blómkálshaus
• 3 rif hvítlaukur
• 3 stk grænmetiskraftur
• 2 dósir niðursoðnir tómatar
• 1 dós tómatpúrra
• 3 dl pasta

Meira um: "Góð og einföld grænmetissúpa"

Aðferð
1. Mýkið laukinn í olíu í pottinum

2. Bætið öllu grænmeti út í ásamt vatni og öllu öðru nema pastanu.
(Sjáið strax hvað þarf mikið vatn)

3. Sjóðið í 20mín

4. Bætið pastanu út í og sjóðið í 10mín í viðbót.

( ég bragðbæti með salti og pipar og bara smakka hana til) gott að bera fram með sýrðum rjóma og nýbökuðu brauði

fela aftur

Solla | | | | Umsagnir (0)

Grænmetissúpa

• Sveppir
• Blaðlaukur
• Blómkál
• Gulrætur
• 100 gr hveiti
• 1 ½ l vatn eða soð
• 100 gr smjör
• Kjötkraftur
• 1 dl rjómi

Meira um: "Grænmetissúpa"

Soðið eða vatnið hitað í 80°C. Smjörið brætt í öðrum potti, hveitið sett út í og smjörbollan löguð. Henni jafnað saman við soðið, þeytt þar hún er uppleyst. Soðið í 15-20 mín. Grænmetið skorið niður í strimla, soðið öðrum potti og því bætt út í súpuna, hún krydduð eftir smekk og látin malla smá stund. Rjómanum bætt út í rétt áður en súpan er borin fram.

fela aftur

admin | | | | Umsagnir (0)

Kjúklingasúpa með kartöflum og blómkáli

• Kjúklingaleggir með læri - 3 - 4 stk.
• 2 vænar bökunarkartöflur með hýði - bútaðar
• 1 lítið blómkálshöfuð - bútað
• 1 þumall engifer, saxað
• 6-12 feitir hvítlauksgeirar - saxaðir
• 2 vænir laukar - saxaðir
• 1 msk cumminfræ - steytt
• 1 msk corianderfræ - steytt
• 1/2 sítróna - safinn
• 2 lítrar vatn + soðteningar (kjúklinga)
• 1/2 lófi arborio hrísgrjón (til þykkingar)
• (Gamlir sveppir - 1-2 box - ef þú átt þá til)
• (Ferskur chili í því magni sem þér hentar - ef vill)

Meira um: "Kjúklingasúpa með kartöflum og blómkáli"

Búðu til (bragðmikið) soð úr vatni, teningum, kryddi, lauk og engifer. (Skerðu sveppina í 2-4 parta hvern og settu í soðið.) Hamflettu kjúklingabitana og settu í soðið (ásamt hrísgrjónunum) og láttu sjóða á vægum hita í 60 mín.
Bættu bútaða grænmetinu og sítrónusafanum út í og láttu malla í 5-10 mín til viðbótar eða þar til grænmetið er rétt meyrt.
Smakkaðu til með salti og pipar og berðu fram strax.

Jens Mai/matseld.is

fela aftur

admin | | | | Umsagnir (0)

Kjúklingabaunasúpa

• 2 blaðlaukar, skornir í helming, (á lengdina), skolaðir og skornir í smátt
• 1 dós ósaltaðar, niðursoðnar kjúklingabaunir (þyngd u.þ.b. 400 gr með vatninu, hellið vatninu af).
• 1-2 hvítlauksgeirar eða hvítlauksduft.
• 1 stór grænmetis teningur (kjúklingateningur fyrir þá sem það vilja).
• 6-8 dl sjóðandi vatn.
• 1 stór lúka nýrifinn parmesanostur.
• 1 msk ólífuolía og smá vatn
• pipar
• salt

Meira um: "Kjúklingabaunasúpa"

Blaðlaukurinn er steiktur við lágan hita í vatni eða smá ólífuolíu ásamt hvítlauknum þangað til hann er orðinn mjúkur
Baununum bætt út í og þær hitaðar með í nokkrar mínútur. U.þ.b. 1/3 af grænmitissoðinu (teningurinn og 1/3 af vatninu) bætt við og leyft að malla á pönnunni í 15 mín. Þetta er maukað í matvinnsluvél eða með töfrasprota
Saltið og piprið. Það má alveg setja slatta af pipar.
Gott er að bera súpuna fram með nýbökuðu brauði. Einnig má rista pítubrauð og skera í bita (athugið að pítubrauð inniheldur ger).

cafesigrun.com

fela aftur

admin | | | | Umsagnir (0)

Sveppasúpa með blómkáli

• 2 bollar kjúklingasoð
• 1 bolli vatn
• 2 bollar þurrt og súrt hvítvín (El Coto Rioja er gott og ódýrt)
• 600 gr. blómkál
• 100 gr. laukur
• 200 gr. sveppir
• 4 hvítlauksrif
• rósmarín
• tímían
• 1/2 chillialdin, saxað
• smjör
• olía

Meira um: "Sveppasúpa með blómkáli"

Laukurinn saxaður og mýktur í smá olíu. Blómkálið brotið niður, fallegir hlutar skildir eftir en annað soðið í vökvanum með lauk, hvítlauk og chilli. Maukað í mixer og suðu komið upp aftur. Rósmarín, tímían, salt og e.t.v. smá pipar bætt saman við.
Sveppir steikir í smjöri á pönnu og hellt í blómkálssoðið ásamt fallegu bitunum. Suðan látin koma upp. Látið standa í 10 mín og borið fram.

Jens Mai/matseld.is

fela aftur

admin | | | | Umsagnir (0)

Frönsk hvítlaukssúpa

• 8 sneiðar af beikoni, skornar í bita
• 2 vænir laukar, þunnar sneiðar
• 20 hvítlauksrif, grófsöxuð
• 6 bollar af kjúklingasoði
• ½ bolli af þurru hvítvíni
• 1 lárviðarlauf
• ¼ tsk. af salti
• 4 ristaðar franskbrauðssneiðar
• 4 msk. af rifnum Parmesanosti
• 1 msk. af saxaðri steinselju

Steikið beikonið svo það verði stökkt og setjið í pott. Látið laukirnn og hvítlaukinn meyrna við lágan hita í 15 mínútur eða svo. Notið til þess u.þ.b. 1 matskeið af beikonfitunni.
Setjið laukinn og kjúklingasoðið, vínið, lárviðarlaufið og saltið í pottinn með beikoninu. Látið suðuna koma upp og síðan malla við lágan hita í hálftíma.Sskömmu áður en súpan er borin fram þarf að þekja hverja brauðsneið með einni matskeið af Parmesanosti og bregða brauðinu í ofn eða undir grill þar til osturinn bráðnar. Ausið súpunni í skálar eða á diska og setjið eina brauðsneið ofan á. Skreytið með steinselju.

admin | | | | Umsagnir (0)

Lúðusúpa

• 1 kg lúða
• 1 ltr. vatn
• 1 msk edik
• 2 lárviðarlauf
• salt
• 1 msk smjör
• 1 msk hveiti
• 50 g sveskjur
• safi úr 1/2 sítrónu
• 1 msk sykur

Þetta er bara hefðbundið allt í pott og baka síðan upp með smjöri og hveiti.

admin | | | | Umsagnir (0)

Baunasúpa

Þessu er svolítið gamaldags.

• 2 l.vatn
• 1/2 kg. kjöt
• 200 gr. baunir
• 1 tesk. salt
• 1/2 kg. jarðepli
• 20 gr. laukur
• 1/2 kg. rófur

Baunirnar eru þvegnar og lagðar í volgt vatn yfir nóttina. Baunirnar og vatnið, sem þær hafa legið í, er látið í pott, hitað og hrært er í, þar til sýður. Froðan er tekin vel ofan af. Bezt er, að kjötið sé vel feitt, og má nota hvort heldur er saltað kjöt eða nýtt. Sé það saltkjöt, er það afvatnað og baunirnar ekki saltaðar. Bezt er svínakjöt í baunir. Laukurinn er flysjaður og látinn út í í heilu lagi ásamt kjötinu. Soðið í 1 klst. Jarðeplin og rófurnar eru flysjaðar og látnar út í. Gott er að hafa hvítkál. Soðið í hálftíma. Kjötið tekið upp á fat, og rófum og jarðeplum raðað utan um. Saltað að vild.
Ath. Séu baunirnar mjög grófar, er gott að nudda þeim í gegnum gatasigti og hita þær aftur.

"Lærið að matbúa"

admin | | | | Umsagnir (0)

Ungversk gúllassúpa

• 500 gr smátt saxaður laukur
• 250 gr paprika (rauð eða græn)
• 100 gr gróf saxaðar gulrætur
• 2 l vatn
• 1 kg gúllaskjöt
• 50 gr tómatpurrée
• 150 gr niðursuðoðinn tómat í bitum
• 15 gr kúmen
• 15 gr coriander
• 2 stk smátt saxað hvítlauksrif
• kjötkraftur
• smjörbolla eða hveitijafningur

Kjötið er brúnað í potti, vatni hellt síðan yfir og soðið við vægan hita í ca. 1 ½ tíma. Laukurinn, paprikan, gulræturnar, tómatpurrée, kúmen, coriander og hvítlaukurinn er léttsteikt á pönnu við hægan hita og bætt útí pottinn. Allt sett saman, þykkt aðeins, bragðbætt eftir þörfum með kjötkrafti og síðan soðið í ½ tíma lengur.

admin | | | | Umsagnir (0)

Saltkjöt og baunir

• 300 g gular baunir
• 2 l vatn
• 1 laukur
• 100 g beikon
• 1 tsk. tímían
• 1 lárviðarlauf
• nýmalaður pipar
• 1,5 kg saltkjöt
• 600 g gulrófur
• 300 g gulrætur
• 500 g kartöflur

Setjið baunirnar í pott og hellið köldu vatni yfir. Hitið að suðu og fleytið froðu ofan af. Saxið laukinn og skerið beikonið í bita og setjið út í, ásamt tímíani, lárviðarlaufi og pipar. Látið malla við fremur hægan hita í u.þ.b. klukkustund. Setjið 1-2 bita af saltkjöti út í en sjóðið hitt sér í potti. Sjóðið kjötið í u.þ.b. 1 klst. Afhýðið á meðan rófurnar og skerið í bita. Skafið eða afhýðið gulræturnar og skerið þær í bita. Afhýðið kartöflurnar og skerið þær í bita ef þær eru stórar. Setjið grænmetið út í þegar u.þ.b. 25 mínútur eru eftir af suðutímanum og látið malla þar til það er meyrt. Bætið við svolitlu vatni ef súpan er mjög þykk.

admin | | | | Umsagnir (0)

Saltkjöt og baunir

• 1½ l vatn vatn
• 1 kg saltkjöt
• 750 g gulrófur
• 200 g gularbaunir
• 50 g hvítkál (má sleppa)
• 2 stk gulrætur (má sleppa)
• 1 stk laukur

Sjóðið baunirnar í 1 1/2 til 2 tíma. Saxið laukinn og sjóðið hann með (sumar baunir eru fyrst lagðar í bleyti í 2-3 klst). Sjóðið 1-2 saltkjötsbita í súpunni síðasta klukkutímann. Sjóðið restina af kjötinu í sér potti í u.þ.b. 1 klst.
Skerið gulrófurnar í bita og sjóðið með súpunni síðustu 30-45 mín. Skerið gulræturnar í sneiðar og hvítkálið í ræmur og sjóðið hvorttveggja í súpunni síðustu 15-20 mín. Þynnið baunirnar með soðinu af saltkjötinu eða með vatni, sé soðið of salt.

admin | | | | Umsagnir (0)

Gulrótar og kartöflumauksúpa

• 5-6 stk. meðalstórar gulrætur
• 5-6 stk. meðalstórar kartöflur
• 1 stk. laukur
• 3 msk. sítrónusafi
• ½ knippi ferskur kóriander
• 2 msk. gerlaus grænmetiskrafur (ef ekki grænmetissoð)
• vatn (grænmetissoð)
• salt og nýmalaður svartur pipar

Aðferð:
Gulrætur, laukur og kartöflur eru afhýddar og skornar í littla teninga. Grænmetið er léttsteikt- þar til það er orðið meyrt í stórum potti. Þá er vatninu og grænmetiskraftinum (grænmetissoð) bætt útí og látið sjóða í ca. 15. mín. Þá ætti grænmetið að vera orðið það meyrt í gegn að sprullari (töfrasproti) ætti að ráða við að fullmauka súpuna. Eftir að hún hefur verið maukuð er hún bragðbætt með hvítvíni (þarf ekki), sítrónusafa og salti og pipar. Látin malla við vægan hita í 5 mín eftir að hafa verið bragðbætt. Ferskur rifinn kóriander er settur yfir rétt áður en súpan er borin fram og varla þarf að nefna það að nýbakað heimalagað speltbrauð er það eina sem þarf með réttinum.

Meira um: "Gulrótar og kartöflumauksúpa"

Heilsuuppskrift frá madurlifandi

Ég sé nú enga ástæðu til að mauka allt grænmetið, en það er bara smekksatriði.

fela aftur

admin | | | | Umsagnir (0)

Humarsúpa að hætti meistarans

Þessi humarsúpa er ættuð frá humarhátð á höfn, örugglega afar ljúffeng.

• 500 g humar í skel
• 3 stk fiskiteningar
• 3 stk meðalstórar gulrætur
• 2 stk hvítlauksrif
• 2 l vatn
• 1 stk laukur
• 1 stk paprika, græn
• 1 l rjómi eða matreiðslurjómi
• ljós sósuþykkir
• smjör

Skelflettið og hreinsið humarinn, Brúnið skelina í potti ásamt hvítlauknum við vægan hita, Bætið vatni, gróft skornum lauk, papriku og gulrótum út í og látið krauma í 10 tíma.
Sigtið soðið og bætið fiskikrafti út í. Þykkið soðið með ljósum sósuþykki eftir smekk og bætið svo rjómanum saman við. 15 mín áður en súpan er borin fram er humarinn settur út í. Passið að súpan sjóði ekki eftir það, humarinn á bara að hitna í gegn. Berið þessa ljúffengu súpu fram með hvítlauksbrauði sem fengið hefur að hitna í ofni á meðan humarinn verður til. Hægt er að útbúa soðið með nokkrum fyrirvara og geyma í frysti.

admin | | | | Umsagnir (0)

Grænmetissúpa

Þessi súpa er góð í vetrarkuldanum, hún er holl og hitar mann upp.
Uppskriftin dugar í ca. 6 skammta.

• 8 tómatar, með hýði.
• 1 dós niðursoðnir tómatar
• 1 msk tómatpurré
• 1 gúrka
• 15 baby gulrætur
• 2 paprikur (gott að hafa græna og rauða)
• 1 dós kjúklingabaunir
• 1 dós nýrnabaunir
• Lófafylli af steinselju
• Salt og pipar

Byrjið á að hakka tómatana í matvinnsluvél, bæði fersku og niðursoðnu.
Bætið purréinu (og tabasco sósunni ef hún er notuð) við, hakkið aðeins meira og setjið í stórann pott.
Grófhakkið gulræturnar, paprikurnar og gúrkuna og bætið í pottinn.
Steinseljuna verður að hakka vel til að hún blandist sem best við súpuna.
Skolið nýrna- og kjúklingabaunirnar og bætið út í. Kryddið eftir smekk.
Látið malla í 30 mínútur.

Nornin | | | | Umsagnir (0)

Tómatsúpa

• 500 g þroskaðir tómatar
• 100 g laukur
• 1 l vatn
• Súpujurtir
• Lárviðarlauf
• Maizenamjöl, ca 3 msk
• Salt og pipar

Meira um: "Tómatsúpa"

Skerið tómata og lauk niður og sjóðið í vatni með lárviðarlaufi og súpujurtum í ca 10 - 15 mínútur. Sigtið lárviðarlaufið og súpujurtirnar frá. Þykkið súpuna með maizenamjöli eftir smekk. Kryddið með salti og pipar.

Þessi uppskrift er fyrir 2

fela aftur

Erla | | | | Umsagnir (0)