Graskers og baunasúpa með kókosmjólk

• 1 hvítlauksrif
• 2 g ferskt engifer
• 1 rauður chili pipar
• 1 heil kanilstöng
• 2 heilir negulnaglar
• 2 laukar
• 2 sellerístilkar
• 1 msk kókosolía og vatn til viðbótar ef þarf meiri vökva
• 1 msk tómatmauk
• 200 g linsubaunir
• 1 lítri vatn
• 1 grænmetisteningur
• 500 g grasker
• 400 ml kókosmjólk
• 0,5 tsk múskat
• 0,5 tsk agavesíróp

Saxið lauk, engifer, hvítlauk, chilli pipar og sellerí mjög smátt.

Hitið kókosolíuna í stórum potti og  hitið laukinn í 5 mínútur eða þangað til hann er orðinn mjúkur.  Bætið vatni við ef þarf meiri vökva.  Bætið kanilstönginni, negulnöglunum, hvítlauknum, engiferinu, chilli piparnum og selleríinu út í og hitið í nokkrar mínútur.  Bætið tómatmaukinu út í ásamt linsubaununum.  Setjið vatnið og grænmetisteninginn út í pottinn, látið suðuna koma upp og bullsjóðið í 10 mínútur.  Lækkið hitann og látið súpuna malla við vægan hita í um klukkutíma eða þangað til baunirnar verða mjúkar.  Maukið þá súpuna með töfrasprota.

Afhýðið graskerið, fræhreinsið og saxið í grófa bita.  Setjið í meðalstóran pott ásamt múskati og agavesírópi.  Hellið kókosmjólkinni út á og látið malla við vægan hita í um 30-40 mínútur eða þangað til graskerið er orðið mjög mjúkt.  Maukið þá með töfrasprota.

Fjarlægið negulnaglana og kanilstöngina úr baunasúpunni og hellið í skálar.  Hellið graskersmaukinu varlega, í mjórri bunu ofan á baunasúpuna.  Dragið skaft á gaffli til að draga í gegnum súpuna og gera mynstur.