Humarsúpa

• 12 stk. humarhalar
• 2–3 msk. smjörlíki
• 1/2 stk. laukur
• 5 stk. hvítlauksgeirar
• 2 stk. sveppir
• 1/2 msk. tómatþykkni
• 1 tsk. paprikuduft
• 1/2 tsk. karrí
• 2 dl hvítvín
• 1,5 lítrar vatn
• 1 tsk. fiskikraftur
• 1 tsk. kjötkraftur
• smjörbolla (50 g smjörlíki og 50 g hveiti)
• 2 dl rjómi

Kljúfið humarhalana, fjarlægið görnina og takið fiskinn úr skelinni. Setjið skelina í pott og steikið í smjörlíki í 3 mín. við vægan hita. Afhýðið lauk og hvítlauk og saxið niður ásamt sveppum. Bætið lauk, sveppum, tómat þykkni, paprikudufti, karríi og hvítlauk út í og steikið áfram í 1–2 mín. Setjið hvítvín, vatn, fiski- og kjötkraft út í og sjóðið áfram í 30–45 mín. Sigtið soðið og þykkið síðan með smjörbollu.
Hellið rjóma út í og hrærið í pottinum. Áður en súpan er borin fram eru þrír hráir humarhalar settir á hvern disk. Ef humarhalarnir eru stórir kljúfið þá og hafið á þykkt við grannan kvenmannsfingur. Hellið heitri súpunni yfir humarinn sem soðnar í heitri súpunni.
mbl.is