Silungur með spínati og sætri kartöflu

• Tvö silungsflök
• 1 sæt kartafla
• 1/2 poki spínat
• 1/2 dós kókosmjólk
• 1 tsk rautt karrímauk
• 1 msk fiskisósa
• safi af 1/2 límónu
• 1 tsk Agave sýróp
• pipar
• ólífuolía

Smyrjið eldfast mót með olíunni og raðið spínatinu í botninn.
Silungsflökin sett ofan á spínatið og salti og pipar stráð yfir.
Sæta kartaflan flysjuð og skorin í strimla og sett jafnt yfir réttinn.
Kókosmjólk, karrímauki, fiskisósu, límónusafa og Agave sýrópi blandað saman í skál. Sósunni hellt yfir réttinn og bakað við 200 gráður í 25-30 mínútur.
Gott með salati og hrísgrjónum.