Frönsk hvítlaukssúpa

• 8 sneiðar af beikoni, skornar í bita
• 2 vænir laukar, þunnar sneiðar
• 20 hvítlauksrif, grófsöxuð
• 6 bollar af kjúklingasoði
• ½ bolli af þurru hvítvíni
• 1 lárviðarlauf
• ½ tsk. af salti
• 4 ristaðar franskbrauðssneiðar
• 4 msk. af rifnum Parmesanosti
• 1 msk. af saxaðri steinselju

Steikið beikonið svo það verði stökkt og setjið í pott. Látið laukirnn og hvítlaukinn meyrna við lágan hita í 15 mínútur eða svo. Notið til þess u.þ.b. 1 matskeið af beikonfitunni.
Setjið laukinn og kjúklingasoðið, vínið, lárviðarlaufið og saltið í pottinn með beikoninu. Látið suðuna koma upp og síðan malla við lágan hita í hálftíma.Sskömmu áður en súpan er borin fram þarf að þekja hverja brauðsneið með einni matskeið af Parmesanosti og bregða brauðinu í ofn eða undir grill þar til osturinn bráðnar. Ausið súpunni í skálar eða á diska og setjið eina brauðsneið ofan á. Skreytið með steinselju.