Sjávarréttagratin

• 150 gr rækjur
• 150 gr humar
• 300 gr smálúða
• 200 gr ferskir sveppir
• 1 búnt léttsoðin ferskur grænn spergill
• 4 msk smjör
• 4 msk hveiti
• 2 ½ dl rjómi
• 250 gr rifinn ostur
• 1 stk eggjahvíta, stífþeytt
• soðið af sperglinum
• hvítur pipar og salt eftir smekk
• paprikuduft.

Skerið lúðuna og spergilinn í u.þ.b. 2×2 cm bita. Bræðið smjörið í stórum potti yfir meðalhita og hrærið hveitinu saman við. Bakið upp með rjómanum og soðinu af sperglinum. Athugið að sósan á að vera mjög þykk. Kryddið með hvítum pipar og salti. Setjið allt fiskmetið ásamt sperglinum og sveppunum út í sósuna og hrærið öllu varlega saman. Takið pottinn af hitanum. Smyrjið stórt eldfast mót og hellið jafningnum í mótið. Stráið rifnum ostinum jafnt yfir og smyrjið svo þeyttri eggjahvítunni yfir ostinn. Stráið paprikudufti yfir.
Bakið réttinn í 200°C heitum ofni í 18-20 mín. Gott er að bera fram ristað brauð eða nýtt snittubrauð með réttinum.
[Af freisting]