Grænmetis chilli

Góður réttur í skammdeginu (fyrir6)

• 1 msk sólblómaolía
• 1 stór laukur
• 1 græn paprika (söxuð)
• 4 hvítlauksrif (söxuð)
• 2 jalapeño eða rautt chilli
• 2 dósir svartar baunir (skolaðar)
• 2 dósir niðursoðnir tómatar (saxaðir)
• 1 1/2 bolli vatn
• 1 tsk chilli duft
• 1 tsk kúmen (duft)
• 1/2 tsk salt
• 1 bolli maískorn

Sýrður rjómi eða hrein jógúrt, ostur og steinselja til skrauts.

Steikið laukinn, hvítlaukinn, paprikuna og jalapeno (chili) í olíunni í nokkrar mínútur. Hrærið í á meðan.
Hrærið baununum, tómötunum, vatni, chillidufti, kúmeni og salti saman við. Hitið að suðu og lækkið svo hitann. Látið krauma í 30 mínútur með lokið á, hrærið af og til.
Blandið maískorninu út í og hitið að suðu. Lækkið aftur hitann og látið krauma í 5 mínútur án loks.
Setjið í skálar og skreytið með skeið af sýrðum rjóma, steinselju og rifnum osti.