Túnfisksalat sem allir elska

• 2 dósir af túnfiski
• 2 msk Hellmanns mæjones (má líka nota sigtaða AB-mjólk eða sýrðan rjóma9
• 1/2 salatlaukur
• Sólþurrkaðir tómatar í olíu eftir smekk
• 2 tsk sterk chilli sósa
• 2 tsk amerískt sinnep
• 4 litlar danskar súrar agúrkur, skornar smátt
• Salt og pipar eftir smekk

Byrjið á því að taka túnfiskinn úr dósunum og hræra vel í honum með gaffli. Svo er lauknum, súru agúrkunum, sólþurrkuðu tómötunum, chilli tómatsósunni og sinnepinu blandað saman. Að síðustu er mæjonesinu bætt út í. Saltað og piprað eftir smekk.