Gamaldags grænkaka

• 250 g hveiti
• 250 g smjörlíki
• 250 g sykur
• 2 egg
• 1 tsk lyftiduft
• (má sleppa) 1 msk grænn matarlitur
• rúmlega 1 tsk möndludropar
• 2 dl sjóðandi vatn

Krem:

• ca. einn vel fullur bolli flórsykur
• 1 skeið kakó
• heitt vatn

Hrærið smjörlíkið þangað til það verður lint, látið sykur saman við og hrærið vel. Setjið eggin út í eitt í einu og hrærið vel á milli. Setjið matarlit og möndludropa út i deigið, hafið frekar sterkan möndlukeim. Sigtið saman hveiti og lyftiduft, setjið heitt vatn og þurrefni (þ.e.a.s hveitið og lyftiduftið) til skiptis út í deigið. Blandið saman með sleikju eða stillið hrærivél á lægst hraða. Aðgætið hvort möndlubragðið er nógu ríkjandi. Setjið deigið í velsmurt (hveitistráð) hringform og bakið við ofnhita 180° í u.þ.b 45 mínútur.