Kryddaðar hafrakökur

• 185 gr. smjör
• 155 gr. Dökkur púðursykur
• nokkrir vanilludropar
• 1 egg
• 60 gr sjálflyftandi hveiti
• saltklípa
• 1/2 tsk. natrón
• 3 tsk kanill
• 250 gr gróft haframjöl (valsaðir hafrar)
• Flórsykur (til að sigta yfir)

Forhitið ofninn í 180 °c. Smyrjið nokkrar ofnplötur. Kremhrærið smjörið og sykurinn í skál.
Hrærið vanilludropum út í eftir smekk ásamt egginu. Sigtið hveiti, salt, natrón og kanil í skálina og blandið með sleif. Bætið haframjölinu í og blandið með höndunum í mjúkt deig. Fletjið deigið 5mm þykkt á mjölbornu borði og skerið út kökur. Bakið í ofninum í 25-30 mínútur þar til kökurnar ljósbrúnast. látið þær síðan kólna alveg og stráið svo ögn af flórsykri yfir.