SÖRUR

Þetta er þreföld uppskrift. Nánast idot-proof 🙂
Botnar

• 600 gr möndlur (með eða án hýðis=smekksatriði)
• 9 dl flósykur
• 8-9 eggjahvítur

Krem: 

• 5 eggjarauður
• 1 1/2 dl sykur
• 1 1/2 dl vatn
• 300 gr smjör ( mjúkt ekki bráðið )
• 2 – 2 1/2 msk kakó
• 2 1/2 tsk kaffiduft (t.d neskaffi) má sleppa.
• 2 tsk kalt vatn

suðusúkkulaði

Botnar: 
1. Eggjahvíturnar stífþeyttar. Hafið eggin við stofuhita, þá lyftast kökurnar betur. 
2. Möndlurnar malaðar í matvinnsluvél og hrærðar saman við flórsykurinn. 
3. Möndlublöndunni blandað varlega saman við eggjahvíturnar. 
4. Sett á plötu með teskeiðum eða rjómasprautu (ekki hafa stútinn á). 
5. Bakað við 180°c í blástursofni, í 10 mín 
Krem:
1. Vatn og sykur látið sjóða saman í ca 10 mínútur. Látið kólna í smástund. 
2. Eggjarauður stífþeyttar 
3. Blandið sykurlausninni (sírópinu) saman við eggin og þeytið vel á meðan. Látið kólna aðeins ef á þarf að halda. 
4. Þeytið smjörið saman við og þeytið þar til allir kekkir hverfa. 
5. Bætið kakói út í. 
6. Leysið upp kaffið í vatni (má vera kalt vatn), hellið saman við kremið og þeytið vel. 
7. Látið inn í ísskáp til að kæla 
8. Smyrjið svo á botnana eða sprautið á með sprautupoka. 
9. Hjúpið með suðusúkkulaði sem brætt er yfir vatnsbaði, setjið smá olíu út í, hún kemur í veg fyrir að súkkulaðið “svitni”. 
Ef kremið skilur sig þá þarf að þeyta það lengur.