Glóðaður lax með hnetum

• 800 g laxaflök
• matarolía
• 1 msk mangómauk
• 2-3 msk sítrónusafi
• 2 tsk paprikuduft
• ½ tsk svartur pipar
• ½ tsk salt
• 3 msk pistasíuhnetur

1. Penslið laxaflökin með matarolíu og leggið í grillklemmu.
2. Blandið saman mangómauki, sítrónusafa, paprikudufti, salti og pipar.
3. Smyrjið kryddblöndunni á flökin, stráið grófsöxuðum pistasíuhnetum yfir og glóðið í 10 – 15 mínútur.
Gott að hafa bakaðar kartöflur og grænmeti á grillteini með.