Austurlenskur hakkréttur

• 500 g nautahakk
• 4 hvítlauksrif
• 1 laukur
• 3 cm bútur ferskt engifer
• ½ paprika
• 2 gulrætur
• ½ hluti kínakál eða hvítkál
• 2 msk sæt chillisósa
• 8 msk soyasósa
• 4 dl vatn
• 3 tsk grænmetiskraftur
• 1 tsk salt

Merjið hvítlaukinn í pressu og setjið í skál.
Skerið engiferrótina í mjög litla bita og bætið í skálina með hvítlauknum.
Skerið paprikuna í litla bita og setjið í skál.
Skerið laukinn í strimla og setjið í skál.
Hreinsið gulrótina og setjið í skál með lauknum.
Skolið og grófsaxið kínakálið og setjið í skál.
Mælið sósur, vatn,kraft og salt í skál og hafið tilbúið.
Hitið pönnu og brúnið hakkið.
Bætið hvítlauk og engifer á pönnuna og hrærið vel.
Bætið lauknum og gulrótinni á pönnuna og hrærið áfram.
Setjið kínakálið,paprikuna,sósurnar og allt kryddið á pönnuna og hrærið vel.
Látið sjóða við mjög vægan hita í 5 mínútur.
Borið fram með hrísgrjónum.