Skerið rabarbaran í litla bita og sjóðið í vatninu í 15 mín. Ekki hræra í pottinum, þá verður saftin gruggug. Síið og hendið rabarbaranum.

Hrærið sykrinum og sítrónusafanum saman við saftina og látið suðuna koma upp. Kælið og setjið á flöskur.

fela aftur

Smyrjið olíunni í eldfast fat. Roð og beinhreinsið fiskinn, skerið í bita og raðið í fatið. Dreypið sítrónusafa yfir fiskinn og kryddið með salti og pipar. Grænmetið saxað fremur gróft og stráð yfir fiskinn. Karrýinu hrært í kókosmjólkina og hellt yfir fatið. Rífið vel af osti yfir og að lokum er kókosmjöli stráð yfir ostinn. Bakið í ofni við 180° hita í u.þ.b. 30 mín.

fela aftur

1. Hitið grænmetiskraftinn í stórum potti þar til sýður og bætið þá við papriku, zucchini, gulrótum og sellerí. Hrærið í 2-3 mínútur þar til grænmetið fer að mýkjast.
2. Bætið við kartöflum, tómötum, chilli pipar, myntu og kúmeni. Bætið kjúklingabaunum við og bíðið eftir suðu.
3. Minnkið hitan og látið malla í 30 mínútur eða þar til allt grænmetið er mjúkt. Saltið og piprið og skreytið með myntu.

Í staðin fyrir kjúklingabaunir má einnig nota nýrnabaunir.

fela aftur

Rabarbari og smjör sett í pott og látið malla í smá stund. Slökkva undir.
Blanda saman hrásykri, vanillusykri, eggjum hveiti og lyftidufti. Hveitiblöndunni bætt í pottinn, hrært með sleif.
Bakað við 170° í 30 mínútur.

fela aftur

Byrjið á því að skera laukinn smátt. Setjið hvítlauk, engifer og tómata saman í matvinnsluvél og maukið.
Setjið olíu á pönnuna og steikið laukinn í olíunni þangað til hann er orðinn gylltur á litinn og mjúkur. Þá er maukinu bætt út í og það látið malla í tvær mínútur.
Kjúklingurinn er settur úr í á þessu stigi málsins. Þegar kjúklingurinn er farinn að hvítna má bæta kryddinu út í, eða öllu nema ferska chilli piparnum. Látið þetta malla í sirka fimm mínútur og hrærið stöðugt í pottinum á meðan.
Lækkið hitann og bætið rjómanum og ferska chillinu saman við. Hræði vel saman og látið malla í þrjár til fjórar mínútur.
Ef sósan er ekki þykk þá má bæta steiktum lauk saman við. Lækkið hitann ennþá meira og setjið lok á pönnuna og látið réttinn eldast í fimm mínútur til viðbótar.
Berið fram með hrísgrjónum og salati.

Rétturinn inniheldur mikinn hvítlauk og mikið af ferskum chilli pipar. Hvítlaukur er klárlega pensillín fátæka og getur komið í veg fyrir kvef, flensu, lækkað blóðþrýsting og vörn gegn hjartasjúkdómum.

fela aftur

Þeytið sykur og egg saman, bætið út í smjöri og blandið vel, síðan hveiti og lyftidufti, síðast rúsínum (þeim má alveg sleppa fyrir þá sem ekkert eru fyrir rúsínur). Deigið sett í mót og eplin skorin í þunna báta, kanilskykri stráð yfir. Til hátíðabriða má alveg raspa smá marsipan í deigið. Bakað í hálftíma við 175-200 gráður. Borið fram með þeyttum rjóma, vanillu- eða súkkulaðiís.

fela aftur

Smjör og olía er sett í pott og laukurinn léttsteiktur þar til hann fær á sig gylltan blæ. Hrærið hveitið saman við og síðan kjötkraftinn. Látið súpuna sjóða í 10 mínútur. Bragðbætið með salti og pipar. Setjið súpuna í fjórar súpuskalar. Leggið eina brauðsneið í hverja skál og setjið vel af rifnum osti yfir. Skálarnar eru því næsta settar í 250°C heitan ofn og súpan er bökuð í 10 mínútur. Súpan er borin á borð rjúkandi heit og osturinn á að vera bráðinn.

fela aftur

Setja saman í blandara rosa ferskt og gott

fela aftur

Engiferrótin afhýdd og sett í blandara með smá vatni og tætt í drasl
síðan sett í pott með uþb 2,5L af vatni og látið sjóða í 20 mín, kreista síðan lime sítrónu, greip eða bara hvað fólki finnst gott

kæla, og sigta frá og setja í flösku og inní ískáp
Snilld að drekka eitt glas á hverjum morgni mjög hreinsandi og meinhollt

fela aftur

Leggja kjúkling í marineringu í amk klst, jafnvel betra yfir nótt. 
Veiða kjúklinginn uppúr marineringunni og baka í ofni í eldföstu við 200° í 25 mín. (marineringunni er hent).
Mauka tómatana með töfrasprota eða í matvinnsluvél. Fræhreinsa piparinn og hakka með hvítlauknum, steikja pipar-hvítlauksjukkið síðan í 1 mín upp úr olíu á pönnu og bæta síðan kryddum og tómötum útá. Láta sósuna malla í 15 mín. Bæta kjúkling útá og hræra grískri jógúrt útí í lokin.

fela aftur

Kljúfið humarhalana, fjarlægið görnina og takið fiskinn úr skelinni. Setjið skelina í pott og steikið í smjörlíki í 3 mín. við vægan hita. Afhýðið lauk og hvítlauk og saxið niður ásamt sveppum. Bætið lauk, sveppum, tómat þykkni, paprikudufti, karríi og hvítlauk út í og steikið áfram í 1–2 mín. Setjið hvítvín, vatn, fiski- og kjötkraft út í og sjóðið áfram í 30–45 mín. Sigtið soðið og þykkið síðan með smjörbollu.

Hellið rjóma út í og hrærið í pottinum. Áður en súpan er borin fram eru þrír hráir humarhalar settir á hvern disk. Ef humarhalarnir eru stórir kljúfið þá og hafið á þykkt við grannan kvenmannsfingur. Hellið heitri súpunni yfir humarinn sem soðnar í heitri súpunni.

mbl.is

fela aftur

Sykurinn má vera blanda af hvítum sykri og púðursykri. Rabbabarinn saxaður niður frekar fínt. Engifer fínt saxað. Allt sett í pott og látið malla í amk klukkutíma, eða þar til sultan hefur náð þeirri þykkt sem þið óskið eftir. Hellt í hreinar krukkur.

fanneydora.wordpress.com

fela aftur

Gerið er leyst upp í stórri skál smá hluta af vatninu og síðan er restinni hellt út í skálina. Allt hnoðað/hrært saman þangað til að við höfum fínan deigbolta. Setjið síðan plastfilmu yfir deigið og látið hefast í 4-5 tíma við stofuhita eða yfir nótt í kæli. Síðan er degið tekið og búin til 3 brauð, gott er að pennsla olíu á hliðarnar og strá svo smá hveiti yfir brauðið áður en það er bakað. Brauðið er svo bakað við 275°C í 15 mín.

Uppskrift barst í gegnum facebook.
Sendandi: Einar Lárusson

fela aftur